ବିଳମ୍ବିତ ରାତିରେ ଘରେ ପଶି ଥିବା ନିଶାସକ୍ତ ଯୁବକକୁ ଖୁଣ୍ଟରେ ବାନ୍ଧି ଲୋକେ ନିର୍ଦ୍ଧୁମ ଛେଚିଲେ

ପାଟଣା : କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଭୃଙ୍ଗରାଜପଶି ଗ୍ରାମରେ ଗତ ବିଳମ୍ବିତ ରାତିରେ ଘରେ ପଶି ଥିବା ଜଣେ ନିଶାସକ୍ତ ଯୁବକକୁ ଖୁଣ୍ଟରେ ବାନ୍ଧି ଲୋକେ ନିର୍ଦ୍ଧୁମ ଛେଚିଛନ୍ତି। ସୂଚନା ଅନୁଯାୟୀ ଗତ ବିଳମ୍ବିତ ରାତିରେ ଭୃଙ୍ଗରାଜପଶି ଗ୍ରାମର ପଇଡା ମୁଣ୍ଡାଙ୍କ ଘରେ ଇନ୍ଦିପୁର ଗ୍ରାମର ଖିରୋଦ ନାଏକ ନାମକ ଜଣେ ଯୁବକ ନିଶାସକ୍ତ ଅବସ୍ଥାରେ ଘରେ ପଶି ଥିଲେ । ଏହା ଜାଣିପାରି ପରିବାର ଲୋକେ ପାଟି କରିବାରୁ ପଡିଶା ଓ ଗ୍ରାମବାସୀ ଯୁବକ ଜଣଙ୍କୁ କାବୁ କରିଥିଲେ। ତେବେ ଲୋକଙ୍କ ହାତରେ ଧରାପଡି ଥିବା ଯୁବକକୁ ଏକ ଖୁଣ୍ଟରେ ବାନ୍ଧି ଲୋକେ ନିର୍ଦ୍ଧୁମ ଛେଚି ଥିବା ବେଳେ ଆଜି ସକାଳୁ ଖବର ପାଇ ତୁରୁମୁଙ୍ଗା ପୁଲିସ ସଂପୃକ୍ତ ଯୁବକକୁ ଉଦ୍ଧାର କରି ଚିକିତ୍ସା ପାଇଁ ପାଟଣା ମେଡିକାଲରେଭର୍ତ୍ତି କରିଛି ।