ପାଟଣା: ୨୨୦ ନଂ ଜାତୀୟ ରାଜପଥ ପାଟଣା ଥାନା ଅନ୍ତର୍ଗତ ମଲ୍ଲୀପଶି ଠାରେ ବାଇକ ଧକ୍କାରେ ବୃଦ୍ଧ ଗୁରୁତର ହେବା ସହିତ ବାଇକ୍ ଚାଳକ ମଧ୍ୟ ଗୁରୁତର ହୋଇଛନ୍ତି । ସୂଚନା ଅନୁସାରେ ମଲିପଶି ଗ୍ରାମର ଧନେଶ୍ୱର ନାଏକ(୭୦) ମଲିପଶି ବଜାରକୁ ଚାଲି ଚାଲି ଯାଉଥିବା ବେଳେ କରଂଜିଆ ଥାନାରେ କାର୍ଯ୍ୟରତ ଓଏସ୍ ପି କନେଷ୍ଟବଳ ଘଟଗାଁ ଥାନା ଅନ୍ତର୍ଗତ ବରାହଟିପୁ୍ରା ଗ୍ରାମର ସୁନିଲ କୁମାର ସେଠୀ(୨୪) କରଞ୍ଜିଆ ଥାନାକୁ ନିଜ ବାଇକରେ ଯାଉଥିବା ବେଳେ ବୃଦ୍ଧ ଜଣଙ୍କୁ ପଛ ପଟୁ ଶକ୍ତ ଧକ୍କା ଦେବା ସହ ନିଜେ ରାସ୍ତା କଡ ଖୁଣ୍ଟିରେ ପିଟି ହୋଇ ଗୁରୁତର ହୋଇଥିଲେ। ଗୁରୁତର ଅବସ୍ଥାରେ ଉଭୟଙ୍କୁ ପାଟଣା ଅଗ୍ନିଶମ ବାହିନୀ ଉଦ୍ଧାର କରି ପାଟଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିବା ବେଳେ ବୃଦ୍ଧଙ୍କ ମୁଣ୍ଡରେ ଓ ଗୋଡ଼ରେ ଗଭୀର ଆଘାତ ଲାଗିଥିବା ବେଳେ ଚାଳକ ଜଣଙ୍କ ର ମୁହଁ ରେ ଆଘାତ ଲଗିଛି। ପାଟଣା ପୁଲିସ ଦୁର୍ଘଟଣା ଗ୍ରସ୍ତ ବାଇକକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛନ୍ତି। ଉଭୟଙ୍କୁ ଅଧିକ ଚିକିତ୍ସା ପାଇଁ କେନ୍ଦୁଝର ଜିଲ୍ଲା ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।
Popular Categories
Previous article
Next article