ପାଟଣା: ଆଜି ପିପିଳିଆ ସ୍ଥିତ ଲକ୍ଷ୍ମୀ ନାରାୟଣ ଡିଗ୍ରୀ ମହାବିଦ୍ୟାଳୟରେ ଆଣ୍ଟି ରାଗିଙ୍ଗ ପ୍ରତିରୋଧ ସମିତି ଗଠିତ ହୋଇଯାଇଛି। ଏଥିରେ ମହାବିଦ୍ୟାଳୟର ସମସ୍ତ ଅଧ୍ୟାପକ ଓ ଅଧ୍ୟାପିକାମାନଙ୍କ ସମେତ ସମସ୍ତ ଛାତ୍ରଛାତ୍ରୀ ଉପସ୍ଥିତ ଥିଲେ। ଏହି ସଭାରେ ଘଟଗାଁ ତହସିଲଦାର ଜନକ କୁମାର ନାଏକ ସଭାପତିତ୍ୱ କରିଥିଲେ। ସମ୍ମାନୀତ ଅତିଥି ଭାବେ ସମାଜସେବୀ ଶଙ୍କର୍ଷଣ ବେହେରା ଓ ଢେଙ୍କିକୋଟର ଭାରପ୍ରାପ୍ତ ଫାଣ୍ଡି ଅଧିକାରୀ ତରଣୀସେନ ବାଗ ଓ ବରିଷ୍ଠ ସାମ୍ବାଦିକ ନୃସିଂହ ନାଥ ସିଂହ ଯୋଗଦେଇ ପିଲାମାନଙ୍କୁ ସୁସ୍ଥ ଓ ନିରାପଦ ଶୈକ୍ଷିକ ବାତାବରଣ ବିଷୟରେ ଆଲୋକପାତ କରିଥିଲେ।
ଲକ୍ଷ୍ମୀ ନାରାୟଣ ଯୁକ୍ତ ଦୁଇ ବିଦ୍ୟାଳୟ ଅଧ୍ୟକ୍ଷ ତଥା ଏହି ସଭାର ସମ୍ମାନୀତ ଅତିଥି ନିରାକାର ସ୍ୱାଇଁ ପିଲାମାନଙ୍କୁ ମାନସିକ ସ୍ତରରେ ସୁଦୃଢ଼ ହେବାକୁ ଉପଦେଶ ଦେଇଥିଲେ। ରାଗିଙ୍ଗ ପ୍ରତିରୋଧ ସମିତିରେ ଘଟଗାଁ ତହସିଲଦାର ଜନକ କୁମାର ନାଏକ, ସମ୍ମାନୀତ ଅତିଥି ଶଙ୍କର୍ଷଣ ବେହେରା, ଭାରପ୍ରାପ୍ତ ଫାଣ୍ଡି ଅଧିକାରୀ ତରଣୀସେନ ବାଗ, ଲକ୍ଷ୍ମୀନାରାୟଣ ଡିଗ୍ରୀ ମହାବିଦ୍ୟାଳୟର ଅଧ୍ୟକ୍ଷ ଦୈତାରୀ ମହାନ୍ତ, ଅଧ୍ୟାପକ ମନୋରଞ୍ଜନ ପଲେଇ, ଅଧ୍ୟାପିକା ସ୍ମରଣିକା ବାରିକ୍, ରଶ୍ମିତା ସାହୁ, ଚନ୍ଦ୍ରିକା ମହାନ୍ତ, ଅଧ୍ୟାପକ ଡ଼ ତ୍ରିଲୋଚନ ପଣ୍ଡା, ପଙ୍କଜ ତ୍ରୀପାଠୀ ଓ ସମାଜସେବୀ ତଥା ସାହିତ୍ୟିକ ନୃସିଙ୍ଘ ନାଥ ସିଂହ ଓ ୪ଜଣ ଛାତ୍ରଛାତ୍ରୀଙ୍କ ପ୍ରତିନିଧିଙ୍କୁ ନେଇ ଗଠନ କରାଗଲା।
Comments are closed.