ପାଟଣା : କରୋନା କଟକଣା ଯୋଗୁଁ ଗତକାଲି ଦୁଇ ଜଣ ବ୍ୟକ୍ତି ଭଦ୍ରକରୁ ଭାୟା ଠାକୁରମୁଣ୍ଡା ହୋଇ ସାହାରପଡା ବ୍ଲକ ଅନ୍ତର୍ଗତ ଖଡିକାପଦା ପଞ୍ଚାୟତ ବୁଦୁ ସାହିକୁ ସାଇକେଲ ଯୋଗେ ଫେରୁଥିବା ବେଳେ ସେମାନଙ୍କ ମଧ୍ୟରୁ ଜଣେ ତେଲ ନଦୀ ଚେକ୍ ଡ୍ୟାମ ନାଳରେ ବୁଡି ପ୍ରାଣ ହରାଇଥିବା ଜଣାପଡ଼ିଛି। ମୃତକ ଜଣଙ୍କ ବୁଦୁ ସାହିର ଡବର ମୁଣ୍ଡା(୫୫) ବୋଲି ଜଣା ପଡିଛି। ସେ ଡ୍ୟାମ୍ ନାଳ ପାଣିରେ ଭାସୁଥିବା ଆଜି ସ୍ଥାନୀୟ ଲୋକେ ଦେଖି ପୁଲିସକୁ ସୂଚନା ଦେଇଥିଲେ। ଖବର ପାଇ ସାହାରପଡ଼ା ଫାଣ୍ଡି ଅଧିକାରୀ ମନୋହର ମହାନ୍ତ ଆଜି ଘଟଣା ସ୍ଥଳକୁ ଯାଇ ମୃତକର ମୃତଦେହକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇଛନ୍ତି।
ପୁଲିସ ଓଷ୍ଟଯୋଡି ଠାରେ ସୀମା ସିଲ୍ କରିଥିବାରୁ ସମ୍ପର୍କୀୟ ସମୁଦୀଙ୍କ ସହ ବୁଦୁ ସାହିକୁ ଆସୁଥିବା ଡବର ମୁଣ୍ଡା ନାଳ ପାର ହେବା ସମୟରେ ସାଇକେଲ ସହ ଗତକାଲି ଅପରାହ୍ନରେ ସାଇକେଲ ସହ ବୁଡିଯାଇଥିଲା।
Comments are closed.