ପାଟଣାଗଡ଼: ବିଧାୟକଙ୍କ ଭାଇଙ୍କୁ ନିର୍ଧୂମ ଛେଚିଲେ ଲୋକେ । ଟଙ୍କା ବାଣ୍ଟୁଥିବାକୁ ନେଇ ବିଧାୟକଙ୍କ ସମ୍ପର୍କୀୟ ଭାଇ ପ୍ରଦୀପ ମେହେରଙ୍କୁ ସ୍ଥାନୀୟ ଲୋକମାନେ ମାଡ଼ ମାରିଥିବା ଅଭିଯୋଗ ହୋଇଛି । ପାଟଣାଗଡ଼ ଏନଏସି ୨ ନମ୍ବର ୱାର୍ଡର ମତଦାନ କେନ୍ଦ୍ରରେ ଏପରି ଏକ ଘଟଣା ଘଟିଥିବା ବେଳେ ମାଡ଼ ଖାଇଥିବା ବ୍ୟକ୍ତି ଜଣକ ବିଧାୟକ ସରୋଜ କୁମାର ମେହେରଙ୍କ ସମ୍ପର୍କୀୟ ଭାଇ ଜଣାପଡ଼ିଛି । ମାଡ଼ ମାରୁଥିବାର ଏକ ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେଉଛି ।
ସୂଚନା ମୁତାବକ ଭୋଟ କେନ୍ଦ୍ର ବାହାରେ ଟଙ୍କା ବାଣ୍ଟୁଥିବା ବେଳେ ସ୍ଥାନୀୟ ଲୋକ ତାଙ୍କୁ ମାଡ଼ ମାରିଥିଲେ । ସବୁଠାରୁ ବଡ଼ କଥା ହେଉଛି ସେହି ସମୟରେ ବିଧାୟକ ମଧ୍ୟ ସେଠାରେ ଉପସ୍ଥିତ ଥିଲେ । ଯାହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖା ଦେଇଥିଲା । ପରେ ଏନେଇ ପୁଲିସ ଜାଣିବା ପରେ ଘଟଣା ସ୍ଥଳରେ ପହଞ୍ଚି ଉତ୍ତେକ୍ତ ଲୋକଙ୍କୁ ବୁଝାଇବା ସହ କିଛି ଲୋକଙ୍କୁ ଥାନାରେ ଅଟକ ରଖି ତଦନ୍ତ କରୁଥିବା ଜଣାପଡ଼ିଛି । ପାଟଣାଗଡ଼ରୁ ଲକ୍ଷ୍ମୀକାନ୍ତ ମିଶ୍ରଙ୍କ ରିପୋର୍ଟ ସମାଜ ଲାଇଭ୍
