ବୈତରଣୀ ରେ ଯୁବ ବ୍ୟବସାୟୀ ନିଖୋଜ ଘଟଣା, ତିନି ଦମକଳ କେନ୍ଦ୍ର କର୍ମଚାରୀଙ୍କ ଅକ୍ଲାନ୍ତ ପରିଶ୍ରମ ସତ୍ବେ ମିଳିଲାନି ପତ୍ତା
ପାଟଣା : ବୈତରଣୀ ସ୍ରୋତରେ ଭାସିଯାଇଥିବା ଚାଇଁବସା ର ଯୁବ ବ୍ୟବସାୟୀ ଶ୍ରୀରାମ ମୁନ୍ଦ୍ରା (୧୯) ଙ୍କୁ ଖୋଜିବା ପାଇଁ ପାଟଣା ତହସିଲଦାର ତାପସ ରଂଜନ ଦେହୁରୀ ଙ୍କ ସହ ପାଟଣା ଅଗ୍ନିଶମ ବାହିନୀ, ଠାକୁରମୁଣ୍ଡା ଅଗ୍ନିଶମ ବାହିନୀ ସହ ଆନନ୍ଦପୁର ଦମକଳ ଅଗ୍ନିଶମ ବାହିନୀ ଅକ୍ଲାନ୍ତ ପରିଶ୍ରମ କରିଥିଲେ ମଧ୍ୟ ନିଖୋଜ ଯୁବକ ଙ୍କ ପତ୍ତା ମିଳିପାରି ନାହିଁ। କରଞ୍ଜିଆ ର କିଛି ମାରୁଆଡ଼ି ସମ୍ପ୍ରଦାୟ ର ଯୁବ ବ୍ୟବସାୟୀ ସେମାନଙ୍କ ଘରକୁ ବୁଲି ଆସିଥିବା ବନ୍ଧୁ ଙ୍କୁ ଧରି ବୈତରଣୀ ର ଭୀମକୁଣ୍ଡ ସମେତ ଅନ୍ୟ କିଛି ଦେଖିଲା ଭଳି ସ୍ଥାନ ବୁଲି ଦେଖିବା ସମୟରେ ଠାକୁରମଣ୍ଡା – ଆନନ୍ଦପୁର ସୀମାନ୍ତ ଚକଧର ଯମଦ୍ୱାର ଘାଟ ନିକଟରେ ଗାଧୋଉ ଥିବା ସମୟରେ ଦୁଇ ଜଣ ଯୁବକ ନଦୀ ସ୍ରୋତ ରେ ଭାସି ଯାଇଥିଲେ। ଜଣେ ଯୁବକ ଙ୍କୁ ସେମାନଙ୍କ ସାଥୀ ଉଦ୍ଧାର କରିଥିବା ବେଳେ ଚାଇଁବସା ବାସିନ୍ଦା ଓ ବଡ଼ବିଲ ଅଞ୍ଚଳ ରେ ରହୁଥିବା ଶ୍ରୀରାମ ମୁନ୍ଦ୍ରା (୧୯) ଙ୍କ ପତ୍ତା ମିଳିନଥିଲା। ନିଖୋଜ କୁ ଠାବ କରାଯିବା ଉଦ୍ୟମ ଜାରି ରହିବ ବୋଲି ସୂଚନା ମିଳିଛି।
Comments are closed.