ପାଟଣା : କେନ୍ଦୁଝର ଜିଲ୍ଲା ପାଟଣା ବନାଞ୍ଚଳ ଅଞ୍ଚଳରେ ଥମୁନି ହାତୀପଲଙ୍କ ଉପଦ୍ରବ। ଲୋକେ ଅତିଷ୍ଠ ହୋଇ ବନ କର୍ମଚାରୀଙ୍କୁ କିଛି ସମୟ ପାଇଁ ଅଟକ ରଖିଥିବା ଜଣାପଡିଛି। ବିଳମ୍ବିତ ରାତିରେ ମଙ୍ଗଳପୁର ଡିଆନାଳି ସମେତ ଧାନବେଣୀ ଗାଁର ୧୦ରୁ ଉର୍ଦ୍ଧ ଘର ଭାଙ୍ଗିଛନ୍ତି ହାତୀପଲ। ଧାନବେଣୀ ଗାଁରେ ୪ଟି ଘର ଭାଙ୍ଗି ଧାନ ଚାଉଳ ଖାଇ ନଷ୍ଟ କରି ଦେଇଥିବା ବେଳେ ହାତୀ ଘୋଉଡାଇବାକୁ ଯାଇଥିବା ବନ କର୍ମଚାରୀ ମାନଙ୍କୁ କିଛି ସମୟ ପାଇଁ ଧାନବେଣୀରେ ଅଟକ ରଖିଥିଲେ ଗ୍ରାମବାସୀ। ବିଳମ୍ବିତ ରାତିରେ ଧାନବେଣୀ ଗାଁର ଶିବ ମହାନ୍ତ, ସିପୁ ମହାନ୍ତ, ଫକିର ମହାନ୍ତ, ଦାଢ଼ିଆ ମହାନ୍ତଙ୍କର ଘର ଭାଙ୍ଗି ହାତୀପଲ ଧାନ ଚାଉଳ ଖାଇଦେବା ସହିତ ଘର ଭିତରେ ଥିବା ଲୋକମାନେ ମୃତ୍ୟୁ ମୁଖରୁ ଅଳ୍ପକେ ବର୍ତ୍ତି ଯାଇଛନ୍ତି। ବନବିଭାଗ ସଠିକ ଢଙ୍ଗରେ ହାତୀ ଘୋଉଡାଉ ନଥିବାରୁ ଏପରି ପରିସ୍ଥିତି ସୃଷ୍ଟି ହେବା ସହ କିଛି ସମୟ ପାଇଁ ବନ କର୍ମଚାରୀଙ୍କୁ ଅଟକ ରଖିଥିବା ଗ୍ରାମବାସୀ କହିଛନ୍ତି।
Comments are closed.