ପାଟଣା: ଅଗଷ୍ଟ ୨୪ରେ ପୁନଃ କଂଗ୍ରେସର ହାତଧରିବେ ପାଟଣା ନିର୍ବାଚନ ମଣ୍ଡଳୀର ୫ ଥର ବିଧାୟକ ହୋଇଥିବା ପୂର୍ବତନ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ହୃଷୀକେଶ ନାଏକ। ଜୀବନର ୫ ଦଶନ୍ଧିରେ ପଦାର୍ପଣ କରିଥିବା ଶ୍ରୀ ନାଏକ ଏବେ ୮୨ ବର୍ଷରେ ପଦାର୍ପଣ କରିଥିବା ବେଳେ ୧୯୮୦ରେ ଲୋକଦଳ ଟିକେଟରେ ପ୍ରଥମ ଥର ବିଧାୟକ ହେବା ପରେ ଶ୍ରୀ ନାଏକ ୧୯୮୫ ଓ ୧୯୯୫ରେ ୨ ଥର କଂଗ୍ରେସ ଟିକେଟରେ ବିଧାନସଭାକୁ ଯାଇଥିଲେ। ୨୦୦୬ରେ ପ୍ୟାରୀମୋହନ ମହାପାତ୍ରଙ୍କ ଡାକରାରେ ବିଜୁ ଜନତା ଦଳରେ ଯୋଗ ଦେଇ ୨୦୦୯ ଓ ୨୦୧୪ରେ ସେ ବିଜୁ ଜନତା ଦଳ ଟିକେଟରେ ବିଧାନସଭାକୁ ଯାଇଥିଲେ। ସେ ଶେଷ ପାଳିରେ କେନ୍ଦୁଝର ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ପଦ ମଧ୍ୟ ହାତେଇ ଥିଲେ ତେବେ ବିଜୁ ଜନତା ଦଳରୁ ୨୦୧୯ରେ ତାଙ୍କୁ ଲୋକସଭା ଟିକେଟ ଦିଆଯିବ ଅଥବା ରାଜ୍ୟସଭାକୁ ପଠାଯିବା ଆଶ୍ଵାସନା ଦେଇ ତାଙ୍କୁ ଦଳ ଭଣ୍ଡାଇ ଥିବାରୁ ସେ ଦଳପ୍ରତି ବିତସ୍ପୃତ ହୋଇ ପଡିଥିଲେ। ଏପରିକି ନିକଟରେ ସେ ଦଳରୁ ଇସ୍ତଫା ଦେଇଥିବା ପତ୍ର ଦଳର ସଭାପତିଙ୍କୁ ନିକଟକୁ ଡାକ ଯୋଗେ ପଠାଇ ଦେଇଥିଲେ। ତେବେ ସେ ଏବେ କଂଗ୍ରେସ ଦଳରେ ମିଶିବାକୁ ଆଗ୍ରହୀ ହୋଇ ଥିବାରୁ ଅଗଷ୍ଟ ୨୪ରେ ପାଟଣା ବ୍ଲକ ରାଜନଗର ଠାରେ ଦଳର ଏକ ମିଶ୍ରଣ ପର୍ବ କରାଇ ନିଜର ସମର୍ଥକ ମାନଙ୍କ ସହ କଂଗ୍ରେସରେ ମିଶିବେ ବୋଲି ସୂଚନା ଦେଇଛନ୍ତି।
Popular Categories
Previous article
Next article