ପାଟଣା: ପାଟଣା ବ୍ଲକ ଅଞ୍ଚଳରେ ପଞ୍ଚାୟତିରାଜ ନିର୍ବାଚନ ପାଇଁ ରାଜନୈତିକ ପାଣିପାଗ ଉଷ୍ମ ହେବାରେ ଲାଗିଛି। ପାଟଣା ବ୍ଲକର ୨୩ ନମ୍ବର ଜୋନ ଅଞ୍ଚଳରେ ବିଜେପି ପକ୍ଷରୁ ଜିଲ୍ଲା ପରିଷଦ ପ୍ରାର୍ଥୀନୀ ହୋଇଥିବା ସଂଗୀତା ପଣ୍ଡାଙ୍କ ସପକ୍ଷରେ ପ୍ରଚାର ପାଇଁ ଆଜି କେନ୍ଦୁଝର ସଦର ବିଧାୟକ ତଥା ବିରୋଧୀ ଦଳ ଉପ ସଚେତକ ମୋହନ ମାଝି ମଇଦାନରେ ଥିବା ଦେଖିବାକୁ ମିଳିଛି। ୨୩ ନମ୍ବର ଜୋନ ଅନ୍ତର୍ଗତ ଆଦିବାସୀ ଅଧ୍ୟୁଷିତ ଡୁମୁରିଆ ପଞ୍ଚାୟତର ବଣ ମହୁଲଡ଼ିହା ଗ୍ରାମର ପଡ଼ା ଗ୍ରାମ ଦଲକି ସାହିରେ ବିଜେପି ପକ୍ଷରୁ ଏକ ପ୍ରଚାର ସେବା ଅନୁଷ୍ଠିତ ହୋଇଥିଲା। ଏଥିରେ ମୁଖ୍ୟ ଅତିଥି ଭାବେ ସଦର ବିଧାୟକ ଶ୍ରୀ ମାଝୀ ଯୋଗ ଦେଇଥିଲେ। ନିଜେ ପ୍ରାର୍ଥୀନୀ ସଂଗୀତା ପଣ୍ଡା ସଭାରେ ଉପସ୍ଥିତିରେ ଯୁବ ମୋର୍ଚ୍ଚା ସାଧାରଣ ସମ୍ପାଦକ ସବିର୍ କୁମାର ଦାଶ ସଭା ପରିଚାଳନା କରିଥିଲେ।
ଶ୍ରୀ ମାଝୀ ବିଜେପି ପ୍ରାର୍ଥୀନୀ ଜଣେ କରୋନା ଯୋଦ୍ଧା ଭାବେ ସେବା କରିବାର ଅଭିଜ୍ଞତା ରଖି ଥିବାରୁ ତାଙ୍କ ଭଳି ଜଣେ ଶିକ୍ଷିତା ପ୍ରାର୍ଥୀନୀଙ୍କୁ ବିପୁଳ ସଂଖ୍ୟାରେ ଜିତାଇବା ଉପସ୍ଥିତ ଜନସାଧାରଣଙ୍କୁ ନିବେଦନ କରିଥିଲେ। ଅନ୍ୟ ପକ୍ଷରେ ମଣ୍ଡଳ ସଭାପତି ଅଭୟ ବେହେରା, ବରିଷ୍ଠ ନେତା ପ୍ରହଲ୍ଲାଦ ପଲେଇ ଓ ଡମ୍ବୁରୁଧର ମହାନ୍ତଙ୍କ ନେତୃତ୍ୱରେ ବିଜେପି ପ୍ରାର୍ଥୀନୀ ସଂଗୀତାଙ୍କ ସପକ୍ଷରେ ବ୍ଲକ ମୁଖ୍ୟାଳୟ ଅଞ୍ଚଳରେ ପ୍ରଚାର ଅଭିଯାନ ଦେଖିବାକୁ ମିଳିଛି।
