ପାଟଣା: ପାଟଣା ଓ ତୁରୁମୁଙ୍ଗା ଅଞ୍ଚଳରେ ଦେବଶିଳ୍ପୀ ବିଶ୍ଵକର୍ମାଙ୍କ ପୂଜା ଆଜି ନିରାଡ଼ମ୍ବର ପରିବେଶ ମଧ୍ୟରେ ଅନୁଷ୍ଠିତ ହୋଇଯାଇଛି। ପାଟଣା ବିଦ୍ୟୁତ୍ କାର୍ଯ୍ୟଳୟରେ କନିଷ୍ଠ ଯନ୍ତ୍ରୀ ପଦ୍ମ କିଶୋର ଜେନା, ଜୟକୃଷ୍ଣ ଦାସ, ନିହାର ରଞ୍ଜନ ଖଟୁଆ, କିଶୋର ଚନ୍ଦ୍ର ପାଣିଗ୍ରାହୀ, କୁଶଧର ମହାନ୍ତ, ସଂଗ୍ରାମ କେଶରୀ କରଣ, ପାର୍ଥସାରଥୀ ଧଳ ଓ ସୁଧାର କୁମାର ଦାସ ପ୍ରମୁଖ ଅନ୍ୟ କର୍ମଚାରୀମାନଙ୍କ ଉପସ୍ଥିତିରେ ମୃଣ୍ମୟ ମୂର୍ତ୍ତି ପୂଜା ସହ ପ୍ରସାଦ ବିତରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ସେହିପରି ପାଟଣା ମହିନ୍ଦ୍ରା ଟ୍ରାକ୍ଟର ପୃଷ୍ଟି ସେଲ୍ସ ଏଣ୍ଡ ସର୍ଭିସ୍ ପକ୍ଷରୁ ବିଶ୍ଵକର୍ମା ପୂଜା ମଧ୍ୟ ପ୍ରେମ ଚାନ୍ଦ ପୃଷ୍ଟିଙ୍କ ତତ୍ତ୍ଵାବଧାନରେ ଅନୁଷ୍ଠିତ ହୋଇଥିଲା। ସେହିପରି ଅନ୍ୟାନ୍ୟ ଫାବ୍ରିକେଶନ ସଂସ୍ଥା ଗ୍ୟାରେଜ ଆଦିରେ ମଧ୍ୟ ଏଠାରେ ଫଟୋ ରଖି ବିଶ୍ଵକର୍ମା ପୂଜା କରାଯାଇଛି।
ସେହିପରି ତୁରୁମୁଙ୍ଗା ବିଦ୍ୟୁତ୍ କାର୍ଯ୍ୟଳୟ ରେ ମୂର୍ତ୍ତି ସ୍ଥାପନ କରାଯାଇ ବିଶ୍ଵକର୍ମା ପୂଜା କରାଯାଇଛି। ଏସ.ଡି.ଓ ଚିରଞ୍ଜିତ ସାହୁ ସଂକଳ୍ପ କରିଥିବା ବେଳେ ଲାଇନମ୍ୟାନ ଜଗଦୀଶ ନାଏକ ଆସୀତ ରାଉତ , ନବୀନ ଦାସ ଓ ଯଜନେଶ୍ୱର ସୁର ପ୍ରମୁଖ ପୂଜା କାର୍ଯ୍ୟ ପରିଚାଳନା କରିଥିଲେ।
