ପାଟଣା: ଚାଷ ଅଛି ଯାହାର, କି ଆନନ୍ଦ ତାହାର ନ୍ୟାୟରେ ଯେତେ ଝଡ଼ଝଞ୍ଜା ମରୁଡି ବନ୍ୟା ବାତ୍ୟା ଆସିଲେ ମଧ୍ୟ ଚାଷୀ ପାଇଁ କ୍ଷେତ ହିଁ ଭରସା ହେଉଥିବା ବେଳେ ଏବେ କୃଷି ଶ୍ରମିକଙ୍କ ଅଭାବ ସାଙ୍ଗକୁ ଅଳ୍ପ ପାଠୁଆ, ଦର ପାଠୁଆ ଓ ଉଚ୍ଚ ଶିକ୍ଷିତ ମାନେ ଅଧିକାଂଶ ସ୍ଥଳରେ ଚାଷ ବିମୁଖ ହୋଇ ପଡୁଥିବା ଦେଖାଯାଉଛି । ଏଭଳି ସ୍ଥିତିରେ ଜମିହଳ କରିବା ଠାରୁ ପାଣିମଡା ପାଇଁ ଚାଷୀଙ୍କୁ ରିତିମତ କସରତ କରିବାକୁ ପଡୁଛି । ବିଶେଷ କରି ବର୍ଷା ଦିନେ ବାହାର ରାଜ୍ୟରୁ ଶ୍ରମଜୀବୀ ମାନେ ଗାଁ ମୁହାଁ ହେଉଥିବାରୁ ରୁଆପୋତା କାମ ଯେନତେନ ପ୍ରକାରେ ସରି ଯାଉଥିଲେ ମଧ୍ୟ ଧାନ କଟା ଓ ଅମଳ ପାଇଁ କୃଷି ଶ୍ରମିକଙ୍କ ଅଭାବ ଏକ ବଡ ସମସ୍ୟା ହେଉଛି । ଏମିତିକି ହଳ ଓ କାଦୁଆ କାମ ପାଇଁ ଟ୍ରାକ୍ଟର, ପାୱାର ଟିଲର ର ଆବଶ୍ୟକତା ପଡୁଥିବା ବେଳେ ଏବେ ସ୍ଵଳ୍ପ ଶକ୍ତି ସମ୍ପନ୍ନ ଧାନକଟା ଯନ୍ତ୍ର, ଅମଳ ପାଇଁ ଥ୍ରେସର ଆଦି ଗାଁ ଗହଳିରେ ମିଳିଯାଉଥିବାରୁ ଚାଷୀ ଥ୍ରେସର ଭଡାରେ ଆଣି ବିଲରେ ହିଁ ଧାନ ଅମଳକୁ ଗୁରୁତ୍ୱ ଦେଉଥିବା ପାଟଣା ଓ ଢେଙ୍କିକୋଟ ଅଞ୍ଚଳରେ ଦେଖାଯାଇଛି । ଯାହା ଫଳରେ କୃଷି ଶ୍ରମିକଙ୍କ ଦୈନିକ ମଜୁରୀ କୁ ହିସାବ କଲେ ମେସିନ ବ୍ୟବହାର ଚାଷୀଙ୍କ ପାଇଁ ଖର୍ଚ୍ଚ କମର ସୁଯୋଗ ଦେଉଥିବା ଚାଷୀମାନେ ମତବ୍ୟକ୍ତ କରୁଛନ୍ତି। ଏମିତିକି ଏକା ସାଙ୍ଗରେ ଧାନ କାଟିବା ସହ ଅମଳ କରିବା ପାଇଁ ମଧ୍ୟ ଅଞ୍ଚଳରେ ମେସିନ ଅଭାବ ଥିବାରୁ ବାହର ରାଜ୍ୟରୁ ମେସିନ ଭଡାରେ ଆଣି କେତେକ ଲୋକ ଚାଷୀଙ୍କୁ ଏହି ସୁଯୋଗ ଦେଇ ନିଜ ମଧ୍ୟସ୍ଥି ଲାଭ ଉଠାଇବା ସହ ଚାଷୀଙ୍କ ପାଇଁ ସଅଳ ଅମଳ ସୁଯୋଗ ଦେଉଥିବା ଦେଖାଯାଉଛି ।
Popular Categories
Previous article
Next article