ପାଟଣା: କେନ୍ଦୁଝର ଜିଲା ପାଟଣା ବନାଞ୍ଚଳ ଖିରେଇଟାଙ୍ଗିରି ବନ କ୍ଷେତ୍ର ବନ କର୍ମଚାରୀମାନେ ଶନିବାର ବିଳମ୍ବିତ ସନ୍ଧ୍ୟାରେ ୪୯ ନଂ ଜାତୀୟ ରାଜପଥ ଉପରେ ପାଟ୍ରୋଲିଂ କରୁଥିବା ସମୟରେ ଚୋରା କାଠ ଚାଲାଣ କରୁଥିବା ଏକ ମିନି ଟ୍ରକକୁ ଜବତ କରିଛନ୍ତି। ସୂଚନାନୁସାରେ, ଏକ ମିନି ଟ୍ରକରେ କେନ୍ଦୁଝର ଅଭିମୁଖେ କାଠ ଚୋରା ଚାଲାଣ ହେଉଥିଲା। ପାଟ୍ରୋଲିଂ କରୁଥିବା ବନ ବିଭାଗ କର୍ମଚାରୀଙ୍କୁ ଚକମା ଦେଇ ଗାଡ଼ିଟି ଖସିଯିବାକୁ ଉଦ୍ୟମ କରୁଥିବାବେଳେ ଚେମଣା ଗ୍ରାମ ନିକଟରେ ବନ ବିଭାଗ ଗାଡ଼ିଟିକୁ ଅଟକାଇବାରେ ସକ୍ଷମ ହୋଇଥିଲେ। ଗାଡ଼ି ଛାଡ଼ି ଡ୍ରାଇଭର ଜଣକ ଘଟଣାସ୍ଥଳରୁ ଫେରାର ହୋଇ ଯାଇଥିବାବେଳେ ଜବତ ଗାଡ଼ିରୁ ୮ ଖଣ୍ଡ ଶାଳ ଚଉକାଠ ଓ ୩୫ଟି ଶାଳ ପଟା ମିଳିଥିଲା, ଯାହାର ଆନୁମାନିକ ମୂଲ୍ୟ ୫୦ ହଜାରରୁ ଊର୍ଦ୍ଧ୍ବ ହେବ ବୋଲି କୁହାଯାଉଛି। ଜବତ ଗାଡ଼ିକୁ ଖିରେଇଟାଙ୍ଗିରି ବନ ବିଭାଗ କାର୍ଯ୍ୟାଳୟକୁ ନିଆଯାଇଛି। ଏହି ଚଢ଼ାଉରେ ଖିରେଇଟାଙ୍ଗିରି ବନପାଳ ପୂର୍ଣ୍ଣଚନ୍ଦ୍ର ମହାନ୍ତ, ବନରକ୍ଷୀ ଡଲିରାଣୀ ସାହୁ ଓ ଅନ୍ୟ ପାରା କର୍ମଚାରୀମାନେ ସାମିଲ ଥିଲେ।
Popular Categories
Previous article
Next article