ଭଦ୍ରକ: ମାଛଧରା ବୋଟ ରୁ ଖସି ଧୀବର ନିଖୋଜ ଅଛନ୍ତି। ଭଦ୍ରକ ଜିଲ୍ଲା ଧାମରାଠାରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି। ସୂଚନା ଅନୁଯାଇ ବାଲେଶ୍ୱର କଷାଫଳ ଅଞ୍ଚଳର ବିକାଶ ଦାସ ଙ୍କ ଦାରୁବ୍ରହ୍ମ ନାମକ ବୋଟ ଟି ଧାମରା ଅଞ୍ଚଳରେ ମାଛମାରୀ କାଲାମ ଦ୍ବୀପ ନିକଟରେ ଲଙ୍ଗର କରି ରହିଥିଲା। ଏହି ବୋଟ ରେ କାର୍ଯ୍ୟରତ ଧୀବର କୈଳାଶ ଦାସ ରାତି ରେ ଶୌଚ ହେବା ପାଇଁ ଉଠିଥିଲେ। ମାତ୍ର ସମ୍ପୃକ୍ତ ବ୍ୟକ୍ତି ଜଣକ ବୋଟ ରୁ ଖସି ପଡ଼ିଥିଲେ। ବୋଟ ର ଅନ୍ୟ କର୍ମଚାରୀ ସମ୍ପୃକ୍ତ ବ୍ୟକ୍ତିଙ୍କୁ ଖୋଜି ପାଇନଥିଲେ। ପରେ ସେମାନେ ଧାମରା ଥାନା ଏବଂ ସାମୁଦ୍ରିକ ଥାନାକୁ ଖବର ଦେଇଥିଲେ। ଧାମରା ରୁ ନାଭାଲ ବୋଟ ଯାଇ ସମୁଦ୍ରରେ ଖୋଜାଖୋଜି କରିଥିଲେ ମଧ୍ୟ ଏଯାବତ ସମ୍ପୃକ୍ତ ବ୍ୟକ୍ତିଙ୍କର କୌଣସି ପତ୍ତା ମିଳିନି। ଏପର୍ଯ୍ୟନ୍ତ ଧାମରା ଥାନା କିମ୍ବା ସାମୁଦ୍ରିକ ଥାନାରେ ଲିଖିତ ଅଭିଯୋଗ ହୋଇନାହିଁ ବୋଲି ଥାନାଧିକାରୀଙ୍କ ପକ୍ଷରୁ ସୂଚନା ମିଳିନି।
Comments are closed.