ପାଟଣା : କେନ୍ଦୁଝର ଜିଲା ପାଟଣା ବ୍ଲକ ବୁଢିକାପୁଡି ପଞ୍ଚାୟତ ଲକ୍ଷ୍ମୀପଶି ଗ୍ରାମରେ ଶୁକ୍ରବାର ବିଳମ୍ବିତ ରାତିରେ ଲକଡାଉନ ନିୟମକୁ ନ ମାନି ୪ ଜଣ ଗୋଟିଏ ବାଇକରେ ବୁଲିବା ସହ ପୁଲିସକୁ ଗାଳିଗୁଲଜ କରି ପଥର ଫିଙ୍ଗି ପଳାଇବା ଘଟଣାରେ ୪ଜଣ ଅଭିଯୁକ୍ତଙ୍କୁ ପୁଲିସ ଶନିବାର ଗିରଫ କରିଛି। ଗିରଫ ଚାରିଜଣଙ୍କ ମଧ୍ୟରେ ଜଣେ ନାବଳକାଥିବା ଜଣାପଡ଼ିଛି। ଉକ୍ତ ନା ବାଳକକୁ ପୁଲିସ ମୁଚାଲିକାରେ ଛାଡି ଦେଇଥିବା ଜଣାପଡିଛି। ଅନ୍ୟ ୩ଜଣ ଅଭିଯୁକ୍ତ ଲକ୍ଷ୍ମୀପଶି ଗ୍ରାମର ରଞ୍ଜନ କୁମାର ମହାନ୍ତ (୨୪) , ସରୋଜ କୁମାର ମହାନ୍ତ (୨୦) ଏବଂ ଦେବେନ୍ଦ୍ର ମହାନ୍ତ (୨୦) ବୋଲି ଜଣାପଡିଛି ।
ସୂଚନା ଅନୁଯାୟୀ, ଅଭିଯୁକ୍ତ ୪ଜଣ ଶୁକ୍ରବାର ଗୋଟିଏ ବାଇକରେ ଯାଇ ଗ୍ରାମକୁ ଫେରୁଥିବା ବେଳେ ବାରିଆ ଥାନା ସୀମାରେ ପାଟ୍ରୋଲିଂ ଦାୟିତ୍ୱରେ ଥିବା ପୁଲିସ ଏଏସଆଇ ବିଦ୍ୟାଧର ବେହେରା ସେମାନଙ୍କୁ ଅଟକାଇବା ପାଇଁ ଚେଷ୍ଟା କରିଥିଲେ । ସେଠାରେ ସେମାନେ ପୁଲିସକୁ ଗାଳି ଗୁଲଜ କରିବା ସହ ପଥର ଫିଙ୍ଗି ସେଠାରୁ ଖସି ପଳାଇ ଆସିଥିଲେ। ଏ ନେଇ ଏଏସଆଇ ବିଦ୍ୟାଧର ବେହେରା ବାରିଆ ଥାନାରେ ଏକ ମାମଲା ରୁଜୁ କରିଥିଲେ। ବାରିଆ ଥାନାଧିକାରୀ ସୁଶାନ୍ତ ମଣି ମହାନ୍ତିଙ୍କ ନିର୍ଦ୍ଦେଶରେ ଶନିବାର ବାରିଆ ପୁଲିସ ପାଟଣା ବ୍ଲକ ଲକ୍ଷ୍ମୀପଶି ଗ୍ରାମରୁ ଜଣେ ନାବାଳକ ସମେତ ଅନ୍ୟ ତିନି ଜଣ ଯୁବକଙ୍କୁ ଥାନାରେ ଅଟକ ରଖିଛି ।
