ନୂଆଦିଲ୍ଲୀ: ଲୋକସଭା ନିର୍ବାଚନର ତାରିଖ ଘୋଷଣା ହେବା ପରେ ଦେଶରେ ବିଭିନ୍ନ ଦଳ ମଧ୍ୟରେ ଆସନ ଭାଗବଣ୍ଟା ଓ ମେଣ୍ଟ ନେଇ ବିବାଦ ଦେଖାଦେଇଛି । ଏହାରି ଭିତରେ ମଙ୍ଗଳବାର ମୋଦୀଙ୍କ ମନ୍ତ୍ରୀମଣ୍ଡଳରୁ ଇସ୍ତଫା ଦେଇଛନ୍ତି ପଶୁପତି ପାରସ । ସାମ୍ବାଦିକ ସମ୍ମିଳନୀ କରି ପଶୁପତି ନିଜର ଇସ୍ତଫା ଘୋଷଣା କରି କହିଛନ୍ତି ଯେ ମୋ ପ୍ରତି ଏବଂ ମୋ ଦଳ ପ୍ରତି ଅନ୍ୟାୟ କରାଯାଇଛି । ବିହାରରେ ଆସନ ବୁଝାମଣାରେ ବିଜେପି ୧୬ଟି ଲୋକସଭା ଆସନ, ଜେଡିୟୁ ୧୬ଟି, ଚିରାଗ ପାଶୱାନଙ୍କ ନେତୃତ୍ୱାଧୀନ ଦଳ ୫ଟି, ଉପେନ୍ଦ୍ର କୁଶୱା ଏବଂ ଜୀତନରାମ ମାଝିଙ୍କ ଦଳକୁ ଗୋଟିଏ ଲେଖାଏଁ ଆସନ ମିଳିଥିଲା । ହେଲେ ପଶୁପତିଙ୍କ ଦଳକୁ ଗୋଟିଏ ବି ଆସନ ମିଳିନଥିବାରୁ ସେ ଅସନ୍ତୁଷ୍ଟ ହୋଇଥିଲେ ।
ମନ୍ତ୍ରୀମଣ୍ଡଳରୁ ଇସ୍ତଫା ଦେବା ପରେ ରାଷ୍ଟ୍ରୀୟ ଜନତା ଦଳ ସହ ଏକ ମେଣ୍ଟ କରିପାରେ କି ସାମ୍ବାଦିକଙ୍କ ପ୍ରଶ୍ନରେ ପଶୁପତି ଏହାର ସିଧାସଳଖ ଉତ୍ତର ଦେଇନଥିଲେ । ସେ କହିଛନ୍ତି ମୁଁ ଯାହା କରିବା କଥା କହିସାରିଛି, ଭବିଷ୍ୟତରେ ଯାହା ଘଟିବ ଆପଣମାନେ ଜାଣିବେ ।
Comments are closed.