ଚୌଦ୍ୱାର:ଅନୈତିକ ସମ୍ପର୍କକୁ ନେଇ ଜଣେ ଯୁବକଙ୍କ ଆକ୍ରମଣରେ ଅନ୍ୟଜଣେ ଯୁବକ ଗୁରୁତର ଆହତ ହୋଇଥିବା ଜଣା ପଡ଼ିଛି। ଆହତ ଜଣକ ହେଲେ ପାରାଦ୍ୱୀପ ଥାନା ବାଗଡିଆ ଗ୍ରାମର ବିଶିକେଶନ ସାହୁ। ଆକ୍ରମଣକାରୀ ଯୁବକ ଚୌଦ୍ୱାର ପୌରପାଳିକା ନୂଆସାହି ଗ୍ରାମର ନବ କିଶୋର ସାହୁକୁ ପୁଲିସ ଗିରଫ କରିଛି।
ପୁଲିସ ସୂଚନା ଅନୁଯାୟୀ କଟକ ସଦର ଥାନା ସଂଖତ୍ରାସ ଗ୍ରାମର ନବ କିଶୋର ଓ ତାଙ୍କ ପତ୍ନୀ ଚୌଦ୍ୱାର ପୌରପାଳିକା ୧୭ନଂ ୱାର୍ଡ ନୁଆସାହିରେ ରହୁଥିଲେ। ନବ ଘରେ ନଥିବାବେଳେ ବିଶିକେଶନ ନବଙ୍କ ଘରକୁ ଆସି ତାଙ୍କ ପତ୍ନୀଙ୍କ ସହିତ ଅନୈତିକ ସଂପର୍କ ରଖିଥିବା ସନ୍ଦେହ କରୁଥିଲେ। ବିଶିକେଶନ ଶନିବାର ପାରଦୀପରୁ ଆସି ରାତି ପ୍ରାୟ ୯ଟା ସମୟରେ ବିରାଟ ବଜାର ନିକଟ ଗଉଡ଼ସାହି ରାସ୍ତାରେ ଯାଉଥିବାବେଳେ ନବ ଏକ ଲୁହା ରଡ଼ରେ ବିଶିକେଶନର ମୁଣ୍ଡକୁ ପିଟି ଦେଇଥିଲା।
ବିଶିକେଶନ ରକ୍ତ ଜୁଡୁବୁଡୁ ଅବସ୍ଥାରେ ଚେତା ଶୁନ୍ୟ ହୋଇ ପଡିଯିବାରୁ ନବ ଘଟଣାସ୍ଥଳରୁ ଫେରାର ହୋଇଯିବା ପାଇଁ ଚେଷ୍ଟା କରୁଥିବା ବେଳେ ସ୍ଥାନୀୟ ଲୋକେ ତାକୁ କାବୁ କରିନେଇ ପୁଲିସକୁ ଖବର ଜଣାଇଥିଲେ। ପୁଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ଆହତ ବିଶିକେଶନକୁ ଚିକିତ୍ସା ନିମନ୍ତେ କଟକ ବଡଡାକ୍ତରଖାନା ପଠାଇବା ସହିତ ନବକୁ ଗିରଫ କରି ଅଦାଲତ ଚାଲାଣ କରିଛି।
Comments are closed.