ଭଦ୍ରକ: ସୈରାତ ନିଲାମ କୁ ନେଇ ରଣକ୍ଷେତ୍ର ପାଲଟିଲା ଧାମରା ପଂଚାୟତ ଅଫିସ । ଧାମରା ପଂଚାୟତ ଗୃହରେ ଆଜି ପଞ୍ଚାୟତରେ ଥିବା ସମସ୍ତ ସୈରାତ , ନିଲାମ ହେବା ପାଇଁ ସ୍ଥିର ହୋଇଥିଲା। ବ୍ଲକ ରୁ ଏହି ନିଲାମ ପାଇଁ ସହକାରୀ ଯନ୍ତ୍ରୀ ମୃତ୍ୟୁଞ୍ଜୟ ତରେଇ, ପଂଚାୟତ କାର୍ଯ୍ୟ ନିର୍ବାହୀ ଅଧିକାରୀ ରଜନୀ ବଳ, ସମିତି ସଭ୍ୟ ପାପା ଜେନା ସରପଞ୍ଚ ଏବଂ ଅଞ୍ଚଳବାସୀ ଉପସ୍ଥିତ ଥିଲେ। ନିଲାମ ଅଧିକାରୀ ଙ୍କୁ ପଞ୍ଚାୟତରେ ଥିବା ସମସ୍ତ ସୈରାତ ନିଲାମ କରିବା ପାଇଁ କହିଥିବାବେଳେ ସମ୍ପୃକ୍ତ କାର୍ଯ୍ୟ ନିର୍ବାହୀ ଅଧିକାରୀ ଏବଂ ସହକାରୀ ଯନ୍ତ୍ରୀ ଅନ୍ୟ ମାନଙ୍କ କଥାରେ ବଶବର୍ତ୍ତୀ ହୋଇ କିଛି ସୈରାତ ନିଲାମ ହେବନି ଉପଜିଲ୍ଲାପାଳ ମନା କରିଛନ୍ତି ବୋଲି କହିଥିଲେ । ମାତ୍ର ଏ ନେଇ କୋୖଣସି ଚିଠି ତାଙ୍କର ହସ୍ତଗତ ହୋଇନାହିଁ ବୋଲି କହିଥିଲେ। କେଉଁ ପରିସ୍ଥିତି ରେ ନିଲାମ ହେବ ନାହିଁ ବୋଲି ଅଞ୍ଚଳବାସୀ ପଚାରିବାରୁ ସମ୍ପୃକ୍ତ ଅଧିକାରୀ ସେମାନଙ୍କୁ ଖରାପ ବ୍ୟବହାର କରିବା ସହ ଗାଳି ଗୁମଜ କରିଥିଲେ। ଏହି ଘଟଣା କୁ ନେଇ ଅଞ୍ଚଳବାସୀ ସମସ୍ତ ସୈରାତ ନିଲାମ ସ୍ଥଗିତ ରଖିବାକୁ କହିଥିଲେ। ଏଥି ସହ ସମ୍ପୃକ୍ତ ଅଧିକାରୀମାନେ ଅନ୍ୟ ନେତାଙ୍କ କଥାରେ ପରିଚାଳିତ ହୋଇ ଏପରି ଅନ୍ୟାୟ କରିବା ସହ ନିଲାମ ବନ୍ଦ କରି ପଳାଇ ଯାଇଥିଲେ।
Comments are closed.