ଫୁଲବାଣୀ: କନ୍ଧମାଳ ଜିଲ୍ଲା ପବିଙ୍ଗିଆ ପଞ୍ଚାୟତର ପଥଖୋଲଠାରେ ଚାଲିଥିବା ୨ ଦିନିଆ ପଞ୍ଚାୟତ ସ୍ତରୀୟ ଫୁଟବଲ ପ୍ରତିଯୋଗିତା ଉଦଯାପିତ ହୋଇଛି। ପଥଖୋଲ କ୍ଲବ ଦ୍ୱାରା ଆୟୋଜିତ ଏହି ପ୍ରତିଯୋଗିତାର ଉଦଯାପନୀ ଉତ୍ସବରେ ପବିଙ୍ଗିଆ ସରପଞ୍ଚ ଲାଲମୋହନ କହଁର ମୁଖ୍ୟଅତିଥି ଭାବରେ ଯୋଗଦେଇଥିବା ବେଳେ ୱାର୍ଡସଭ୍ୟ ବାସୁଦେବ ମଲ୍ଲିକ, ଗାଁସାଥୀ ପବିତ୍ର କହଁର, ଟୁଣୀଆ କହଁର, ଉମାଚାରଣ ଦିଗାଲ ଓ ଅଞ୍ଚଳର ବହୁ ଗଣ୍ୟମାନ୍ୟ ବ୍ୟକ୍ତି ସମ୍ମାନିତ ଅତିଥି ଭାବେ ଯୋଗଦେଇଥିଲେ। ୨ ଦିନ ଧରି ଚାଲିଥିବା ଏହି ପ୍ରତିଯୋଗିତାରେ ସମୁଦାୟ ୮ଟି ଆଞ୍ଚଳିକ ଫୁଟବଲ ଟିମ ଅଂଶଗ୍ରହଣ କରିଥିଲେ। ପଥଖୋଲ ଓ ତବିନିପଦର ମଧ୍ୟରେ ଫାଇନାଲ ଖେଳ ଅନୁଷ୍ଠିତ ହୋଇଥିଲା। ଏଥିରେ ୧-୦ ଗୋଲରେ ତବନିପଦରକୁ ହରାଇ ପଥଖୋଲ ଟିମ ବିଜୟୀ ହୋଇଥିଲା। ଖେଳ ଶେଷରେ ଉଭୟ ବିଜେତା ଓ ଉପବିଜେତା ଦଳମାନଙ୍କୁ ଟ୍ରଫି ଓ ଆର୍ଥିକ ରାଶି ଦେଇ ଉପସ୍ଥିତ ଅତିଥିମାନେ ପୁରସ୍କୃତ କରିଥିଲେ।
Comments are closed.