ନୂଆଦିଲ୍ଲୀ : ଖୁବଶୀଘ୍ର ଭାରତୀୟ ବଜାରରେ ୧୦ଜିବି ରାମ ଥିବା ବିିଶ୍ୱର ପ୍ରଥମ ସ୍ମାର୍ଟଫୋନ ଲଞ୍ଚ ହେବାକୁ ଯାଉଛି। ଏହି ଫୋନ ଲଞ୍ଚ କରିବ ଚୀନର ସ୍ମାର୍ଟଫୋନ କମ୍ପାନୀ ଓପୋ। ଏହି ମଡେଲର ନାମ ‘ଓପୋ ଫାଇଣ୍ଡ ଏକ୍ସ’। ଏହି ଫୋନର ଲଞ୍ଚିଙ୍ଗ ତାରିଖ ଏପର୍ଯ୍ୟନ୍ତ ସ୍ତିର କରାଯାଇନାହିଁ। ସୂଚନାଯୋଗ୍ୟ ଓପୋ ଫାଇଣ୍ଡ ଏକ୍ସର ୮ଜିବି ରାମ ଥିବା ସ୍ମାର୍ଟଫୋନ ଚଳିତବର୍ଷ ଭାରତରେ ଜୁଲାଇ ମାସରେ ଲଞ୍ଚ କରିଥିଲା।
‘ଓପୋ ଫାଇଣ୍ଡ ଏକ୍ସ’ର ମୂଲ୍ୟ ଏବଂ ବିଶେଷତ୍ୱ
ଓପୋ ଫାଇଣ୍ଡ ଏକ୍ସରେ ୬.୪ ଇଞ୍ଚର ଓଏଲଇଡି ଡିସପ୍ଲେ ରହିଛି। ଯେଉଁଥିରେ ୯୩.୮ ପ୍ରତିଶତ ସ୍ମ୍ରିନ ମିଳିବ। ଏହାବ୍ୟତୀତ ଏହି ଫୋନରେ କ୍ୱାଲାକମର ସ୍ନାପଡ୍ରାଗନ ୮୪୫ ପ୍ରୋସେସର, ଆଣ୍ଡ୍ରଏଡ ଓରିୟୋ ୮.୧, ଡୁଆଲ ରିୟର କ୍ୟାମେରା ରହିଛି। ଯେଉଁଥିରୁ ଗୋଟିଏ କ୍ୟାମେରା ୧୬ ମେଗାପିକ୍ସେଲ ଏବଂ ଅନ୍ୟଟି ୨୦ମେଗାପିକ୍ସେଲର ରହିଛି। ସେହିପରି ଏହାର ଆଗପଟ କ୍ୟମେରା ଅନଲକ ଫିର୍ଚର ସହିତ ୨୫ମେଗାପିକ୍ସେଲର ରହିଛି। ଏହି ଫୋନରେ ୮ଜିବି ରାମ ଏବଂ ୨୫୬ ଜିବିର ଷ୍ଟୋରେଜ ମିଳିବ। ଫୋନରେ ୩୪୩୦ ଏମ୍ଏଚ୍ ର ବ୍ୟାଟେରୀ ରହିଛି ଯାହା ଫାଷ୍ଟ ଚାର୍ଜିଙ୍ଗ ସପୋର୍ଟ କରିଥାଏ।
ଫୋନରେ ଟିପଚିହ୍ନ ସେନସର ସ୍ତାନରେ ୩ଡି ସ୍ପେସିୟାଲ ରିକଗ୍ନିସନ ଦିଆଯାଇଛି ଯାହା ଆଇଫୋନ ଏକ୍ସ ଭଳି। ଫୋନରେ ୩.୫ ଏମ୍ଏମ୍ ର ହେଡଫୋନ ଜ୍ୟାକ୍ ରହିଛି ଏବଂ କମ୍ପାନୀର କହିବାକଥା ଏହି ଫୋନକୁ ୫ବର୍ଷ ପର୍ଯ୍ୟନ୍ତ ସହଜରେ ବ୍ୟବହାର କରିପାରିବେ। ଓପୋ ଫାଇଣ୍ଡ ଏକ୍ସର ୮ଜିବି ରାମ, ୨୫୬ ଜିବି ଷ୍ଟୋରେଜର ମୂଲ୍ୟ ୫୯,୯୯୦ ଟଙ୍କା।