ସମାଜ ଡିଜିଟାଲ ଡେସ୍କ: କଲକାତାରେ ଜଣେ ଚଳଚ୍ଚିତ୍ର ନିର୍ଦେଶକଙ୍କ ଦ୍ଵାରା ହିଟ୍ ଆଣ୍ଡ ରନ୍ ମାମଲା ସାମ୍ନାକୁ ଆସିଛି। ନିର୍ଦେଶକ ଜଣକ ମଦ୍ୟପାନ କରି ଭିଡ଼ ଭିତରେ ଦ୍ରୁତ ଗତିରେ କାର ଚାଳନା କରିବା ଯୋଗୁ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ୮ ଜଣ ଗୁରୁତର ଆହତ ହୋଇଛନ୍ତି। ରବିବାର ସକାଳ ପ୍ରାୟ ୯ଟାରେ କଲକାତାର ଠାକୁରପୁକୁର ବଜାରରେ ଏହି ଦୁର୍ଘଟଣା ଘଟିଛି। ଅଭିଯୁକ୍ତ ଟିଭି ଓ ଚଳଚ୍ଚିତ୍ର ନିର୍ଦେଶକ ଜଣକ ହେଉଛନ୍ତି ୩୫ ବର୍ଷୀୟ ସିଦ୍ଧାନ୍ତ ଦାସ।
ପ୍ରତ୍ୟକ୍ଷଦର୍ଶୀଙ୍କ ସୂଚନା ଅନୁସାରେ, ଗାଡ଼ିଟି ଦ୍ରୁତ ଗତିରେ ଆସି ଭିଡ଼ ଭିତରେ ପଶିଯାଇଥିଲା। ଏକାଧିକ ଦୁଇ ଚକିଆ ଯାନକୁ ଧକ୍କା ଦେବା ଫଳରେ ଜଣେ ବ୍ୟକ୍ତିର ମୃତ୍ୟୁ ଘଟିଛି। ଅନ୍ୟ ୮ ଜଣ ଆହତ ହୋଇଛନ୍ତି। ଦୁର୍ଘଟଣା ପରେ ଉତ୍ତ୍ୟକ୍ତ ଲୋକେ ଅଭିଯୁକ୍ତ ସିଦ୍ଧାନ୍ତଙ୍କୁ ନିସ୍ତୁକ ମାଡ଼ ମାରି ଅଟକ ରଖିଥିଲେ। ଘଟଣାସ୍ଥଳରେ ପୁଲିସ ପହଞ୍ଚି ତାଙ୍କୁ ଧରିବା ସହିତ ତାଙ୍କ ଗାଡ଼ିରୁ ୪/୫ ବୋତଲ ମଦ ଜବତ କରିଛି। ଦୁର୍ଘଟଣା ସମୟରେ ସିଦ୍ଧାନ୍ତ ମଦ୍ୟପାନ କରି ନିଶାସକ୍ତ ଥିବା ଜଣାପଡ଼ିଛି।
