ଯାତ୍ରାରେ ନୃଶଂସତା, ଜଣେ ଗିରଫ

ସମାଜ ଡିଜିଟାଲ ଡେସ୍କ: ଗଞ୍ଜାମ ଜିଲା ହିଞ୍ଜିଳି ଥାନା ଅନ୍ତର୍ଗତ ରାଳବ ଗ୍ରାମରେ ମଞ୍ଚରେ ନାଟକ ପରିବେଷଣ ସମୟରେ ନୃଶଂସତା ଦେଖିବାକୁ ମିଳିଥିଲା। କଳାକାରମାନେ ନାଟକକୁ ଜୀବନ୍ତ କରିବା ଲାଗି ସର୍ବସମ୍ମୁଖରେ ଜୀଅନ୍ତ ଘୁଷୁରିକୁ ମାରି ଖାଇଥିଲେ। ଏହି ଘଟଣା ଲୋକଲୋଚନକୁ ଆସିବା ପରେ ବନ ବିଭାଗ ପକ୍ଷରୁ ତନାଘନା ଆରମ୍ଭ ହୋଇଛି। ସୋମବାର ଏହି ଘଟଣାରେ ଜଣଙ୍କୁ ଗିରଫ କରାଯାଇଛି। ନାଟକରେ ଏପରି ନୃଶଂସତା ପାଇଁ ଯାତ୍ରା ପରିଚାଳନା କମିଟିର ଜଣେ ସଦସ୍ୟଙ୍କୁ ଗିରଫ କରାଯାଇଥିବା ସୂଚନା ମିଳିଛି। ଏହା ସହିତ ମଞ୍ଚରେ ଯେଉଁ କଳାକାରମାନେ ଜୀଅନ୍ତା ଘୁଷୁରିକୁ ମାରି ଖାଇଥିଲେ ସେମାନଙ୍କୁ ଧରିବା ଲାଗି ବନ ବିଭାଗ ଉଦ୍ୟମ ଚଳାଇଛି।

ଗତ ୨୫ ତାରିଖରେ ରାଳବ ଗ୍ରାମରେ କାଞ୍ଜିଅଁଳା ଯାତ୍ରା ସମୟରେ ନାଟକ ପରିବେଷଣ କରାଯିବା ସମୟରେ ଏହି ଅଭାବନୀୟ ଘଟଣା ଦେଖିବାକୁ ମିଳିଥିଲା। ଏହାର ଦୃଶ୍ୟ ସାମାଜିକ ଗଣମାଧ୍ୟମରେ ପ୍ରଘଟ ହେବା ପରେ ଚାରିଆଡୁ କଡ଼ା ନିନ୍ଦା କରାଯାଇଥିଲା।