ଖଣ୍ଡଗିରି : ପାତ୍ରପଡ଼ାସ୍ଥିତ ଟ୍ରାଫିକ ଥାନା-୨ରୁ ନିଜ ଜବତ ମୋଟରସାଇକଲ ଚୋରି ଅଭିଯୋଗରେ ରବିବାର ଭରତପୁର ପୁଲିସ ଜଣକୁ ଗିରଫ କରିଛି। ଅଭିଯୁକ୍ତ ହେଲେ ଜୟଦେବ ବିହାର ଏଚ୍ଆଇଜି-୪୬ରେ ରହୁଥିବା ଗଞ୍ଜାମ ଜିଲା ବିଦ୍ୟାନାଥପୁର ଥାନା ଅଶୋକ ନଗର ଲେନ୍ ୩ର ଓମକାର ମହାନ୍ତି। ଶନିବାର ରାତିରେ ନିଶାପାନ କରି ଦ୍ରୁତ ଗତିରେ ଆସୁଥିବାବେଳେ ଟ୍ରାଫିକ ଥାନା-୨ର କର୍ମଚାରୀମାନେ କେୟାର ହସ୍ପିଟାଲ ଛକ ନିକଟରେ ଓମକାରଙ୍କୁ ଅଟକାଇ ବାଇକ ଜବତ କରିଥିଲେ। ରବିବାର ଅଭିଯୁକ୍ତ ତାଙ୍କ ବନ୍ଧୁଙ୍କୁ ଧରି ଟ୍ରାଫିକ ଥାନାକୁ ପିଆର୍ ନମ୍ବର ପାଇଁ ଯାଇଥିଲେ। ସେହି ସମୟରେ ସାଙ୍ଗରେ ଆଣିଥିବା ଏକ ଡୁପ୍ଳିକେଟ ଚାବି ସହାୟତାରେ ନିଜ ମୋଟରସାଇକଲକୁ ଥାନା ପରିସରରୁ ଚୋରି କରି ନେଇଥିଲା। ଟ୍ରାଫିକ ଥାନାର ଅଭିଯୋଗ କ୍ରମେ ଭରତପୁର ଥାନା ପୁଲିସ ଏକ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରି ମୋଟରସାଇକଲକୁ ଜବତ କରିବା ସହ ଅଭିଯୁକ୍ତଙ୍କୁ ଅଦାଲତ ଚାଲାଣ କରିଥିଲେ।
Comments are closed.