ନୂଆଦିଲ୍ଲୀ : ସୌନ୍ଦର୍ଯ୍ୟକୁ ନେଇ ସମସ୍ତେ ସବୁବେଳେ ସଜାଗ ରୁହନ୍ତି । ଖାସ୍ କରି ମହିଳାମାନେ ଏଥିପ୍ରତି ଅଧିକ ଧ୍ୟାନ ଦିଅନ୍ତି । କିନ୍ତୁ କେବଳ ଆଜିକାଲି ନୁହେଁ, କାହିଁ କେବେଠୁ ମହିଳାମାନେ ନିଜ ସୌନ୍ଦର୍ଯ୍ୟକୁ ବୃଦ୍ଧି କରିବା ପାଇଁ ମେକଅପର ସାହାଯ୍ୟ ନେଉଥିଲେ । ଏଥିରେ ଅନେକ ଉତ୍ପାଦ ସାମିଲ ଥିଲା । ନିକଟରେ ଏହାର ଏକ ପ୍ରମାଣ ମିଳିଛି । ପ୍ରାଚୀନସ୍ଥଳୀର ଖନନ ସମୟରେ ଏମିତି ଅନେକ ଜିନିଷ ମିଳେ ଯାହା ସେ ସମୟର ଚଳଣି ଏବଂ ସଂସ୍କୃତି ସମ୍ପର୍କରେ ବଖାଣିଥାଏ । ଏବେ ଏମିତି କିଛି ଘଟଣା ଇରାନରେ ଦେଖିବାକୁ ମିଳିଛି । ଏଠାରେ ବିଶ୍ବର ସବୁଠାରୁ ପୁରୁଣା ଲିପଷ୍ଟିକ୍ ମିଳିଛି । ଖାସ୍ କଥା ହେଉଛି ଏବେ ଇରାନରେ ମେକଅପ୍ ଉପରେ କଟକଣା ଲାଗିସାରିଛି ।
ପ୍ରତ୍ନତତ୍ତ୍ବବିତମାନେ ଦକ୍ଷିଣ ଇରାନରେ ଏହି ପୁରୁଣା ଲିପଷ୍ଟିକର ସନ୍ଧାନ କରିଛନ୍ତି । ଏହା ପ୍ରାୟ ୧୯୩୬ ଖ୍ରୀଷ୍ଟପୂର୍ବରୁ ୧୬୮୭ ମଧ୍ୟରେ ହୋଇଥାଇପାରେ ବୋଲି ଅନୁମାନ କରାଯାଉଛି । ଏହାର ଲମ୍ବ ପ୍ରାୟ ୨ ଇଞ୍ଚ । ଏହା ଏକ ଚମକୁଥିବା ପଥର ଭଳି ନଜର ଆସୁଛି । ଏହା ମଧ୍ୟରେ କିଛି ସାମଗ୍ରୀ ରହିବା ଭଳି ସ୍ଥାନ ରହିଛି ଏବଂ ବାହାରକୁ ଆସିବା ପାଇଁ ଏକ ଛୋଟ ଛିଦ୍ର ରହିଛି । ଏହାକୁ କାଂସ୍ୟ ଯୁଗରେ ବ୍ୟବହାର କରାଯାଉଥିଲା । ପଦାର୍ଥ ସମ୍ପର୍କରେ ଗବେଷଣା କରୁଥିବା ୭ ଜଣ ବୈଜ୍ଞାନିକ କହିଛନ୍ତି କି ସେତେବେଳେ ଏହାକୁ ଲିପଷ୍ଟିକ୍ ବୋଲି ପରିଚୟ ମିଳିନଥାଇପାରେ କିନ୍ତୁ ମୁହଁର ସୌନ୍ଦର୍ଯ୍ୟ ବଢାଇବା ନିମନ୍ତେ ଓଠରେ ଏକ ପ୍ରକାର ରଙ୍ଗ ଲଗାଇବା ପାଇଁ ଏହାକୁ ବ୍ୟବହାର କରାଯାଉଥିଲା ବୋଲି ଆମେ କହିପାରିବା ।
Comments are closed.