ନୂଆଦିଲ୍ଲୀ : ଇଣ୍ଟରନଟେର ଅନେକ ସମୟରେ ଭିନ୍ନ ଭିନ୍ନ ଭିଡିଓ ଭାଇରାଲ ହୋଇଥାଏ । ଏଥିରୁ କିଛି ମଜାଳିଆ ଭିଡିଓ ଥାଏ ତ ଆଉ କିଛି ଭିଡିଓ ସମସ୍ତଙ୍କୁ ଭାବୁକ କରିଥାଏ । ସାମାଜିକ ଗଣମାଧ୍ୟମରେ ଏବେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଜଣେ ବୃଦ୍ଧ ବ୍ୟକ୍ତି ପିଠିରେ ଏକ ବାଇକ୍ ଲଦି ବସ୍ ଉପରକୁ ଉଠାଉଛନ୍ତି । ଭିଡିଓଟି ଇଣ୍ଟରନେଟରେ ଭାଇରାଲ ହେବାପରେ ସମସ୍ତେ ଏହାକୁ ଦେଖି ଭାବୁକ ହେଉଛନ୍ତି । ୟୁଜର୍ସ ଜଣେ ପିତାଙ୍କ ଏଭଳି ପରିଶ୍ରମ ଓ ସମର୍ପଣକୁ ସଲାମ କରୁଛନ୍ତି ।
ଭିଡିଓ ଦେଖିବା ପାଇଁ କ୍ଲିକ୍ କରନ୍ତୁ
ଭିଡିଓରେ ନଜର ଆସୁଛି କି ୩-୪ ଜଣ ଲୋକ ମିଶି ଜଣେ ବୃଦ୍ଧଙ୍କ ପିଠି ଉପରେ ଏକ ବାଇକ୍ ଲଦିବାରେ ସାହାଯ୍ୟ କରୁଛନ୍ତି । ପିଠିରେ ଏକ ତକିଆ ରଖି ବୃଦ୍ଧ ବ୍ୟକ୍ତି ଏକ ଓଜନିଆ ବାଇକ ଉଠାଉଛନ୍ତି । ଏହା ପରେ ସେ ଏହାକୁ ଲଦି ନେଇ ଏକ ବସ ଛାତ ଉପରେ ଲଦୁଛନ୍ତି । ଏହି ପରିଶ୍ରମଭରା ଭିଡିଓ ଦେଖି ୟୁଜର୍ସଙ୍କ ଆଖି ଲୁହରେ ଓଦା ହୋଇଯାଉଛି । ଭିଡିଓଟି ଇନଷ୍ଟାଗ୍ରାମରେ ସେୟାର କରାଯାଇଛି । ଏଥିରେ ଏପର୍ଯ୍ୟନ୍ତ ୩.୫ ମିଲିୟନରୁ ଅଧିକ ଭ୍ୟୁଜ୍ ମିଳିସାରିଛି । ସେହିଭଳି ଭିଡିଓରେ ୨୭ ହଜାରରୁ ଅଧିକ ଲାଇକ୍ ମିଳିଛି । ସମସ୍ତେ ଭାବୁକ ହୋଇ ଏହାକୁ ସେୟାର କରୁଛନ୍ତି ।
Comments are closed.