୩ରୁ ଦ୍ବିତୀୟ ସ୍ବତନ୍ତ୍ର ଓଜେଇଇ

ଭୁବନେଶ୍ବର: ସେପ୍ଟେମ୍ବର ୩ରୁ ୭ ପର୍ଯ୍ୟନ୍ତ ଦ୍ବିତୀୟ ସ୍ବତନ୍ତ୍ର ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା(ଓଜେଇଇ) ଅନୁଷ୍ଠିତ ହେବ । ୪ଟି ସିଫ୍ଟରେ ପରୀକ୍ଷା ଚାଲିବ । ପ୍ରଥମ ସିଫ୍ଟ ପୂର୍ବାହ୍ନ ୯ଟାରୁ ୧୦ଟା, ଦ୍ବିତୀୟ ସିଫ୍ଟ ପୂର୍ବାହ୍ନ ସାଢେ ୧୧ଟାରୁ ସାଢେ ୧୨ଟା, ତୃତୀୟ ସିଫ୍ଟ ଅପରାହ୍ଣ ୨ଟାରୁ ୩ଟା ଏବଂ ଚତୁର୍ଥ ସିଫ୍ଟ ଅପରାହ୍ଣ ସାଢେ ୪ଟାରୁ ସାଢେ ୫ଟା ପର୍ଯ୍ୟନ୍ତ ଚାଲିବ । ଦ୍ବିତୀୟ ସ୍ବତନ୍ତ୍ର ଓଜେଇଇ ପରୀକ୍ଷା ନିମନ୍ତେ ୨୮ ହଜାର ୬୦୦ ଛାତ୍ରଛାତ୍ରୀ ନାମ ପଞ୍ଜୀକରଣ କରିଛନ୍ତି । ଏମବିଏ, ଲାଟେରାଲ ଟେକ ଡିପ୍ଲୋମା, ବି.ଟେକ, ବି.ଫାର୍ମା, ଏମ.ଟେକ, ଏମ.ଆର୍କ, ଏମ.ଫାର୍ମା ଏବଂ ଏମସିଏ ଆଦି ବୈଷୟିକ ପାଠ୍ୟକ୍ରମରେ ନାମଲେଖାଇବା ପାଇଁ ଛାତ୍ରଛାତ୍ରୀ ପରୀକ୍ଷା ଦେବେ । ଆସନ୍ତା ୨୮ତାରିଖରୁ ପରୀକ୍ଷାର୍ଥୀ ଓଜେଇଇ ୱେବସାଇଟ (www.ojee.nic.in)କୁ ଲଗଇନ କରି ପ୍ରବେଶିକା ପତ୍ର ଡାଉନଲୋଡ
କରିପାରିବେ । ଏହି ପରୀକ୍ଷା କମ୍ପ୍ୟୁଟର ବେସଡ ଟେଷ୍ଟ(ସିବିଟି)ପଦ୍ଧତିରେ କରାଯିବ ବୋଲି ଓଜେଇଇ ପକ୍ଷରୁ ସୂଚନା ଦିଆଯାଇଛି। ତେବେ କରୋନା କଟକଣା ପାଳନ କରି ପରୀକ୍ଷା ପରିଚାଳନା କରାଯିବ।