ସୁଆଣ୍ଡୋ : ପୁରୀ-ଭୁବନେଶ୍ୱର ୩୧୬ ନଂ ଜାତୀୟ ରାଜପଥ ସାକ୍ଷୀଗୋପାଳ ନିକଟ ବୀର ଗୋବିନ୍ଦ ପୁର ବଡ ହାଟ ଗ୍ରାମରେ ଥିବା ରାମହରି ଦାସ ଗୁରୁକୂଳ ଅନୁଷ୍ଠାନ ପକ୍ଷରୁ ଓଡିଶୀ ଗୁରୁକୂଳ ଉତ୍ସବ ଉଦଯାପିତ ହୋଇଯାଇଛି। ଏଥିରେ ଅତିଥି ଭାବେ ଗୁରୁ ଅରୁଣା ମହାନ୍ତି, ଉତ୍କଳ ସଙ୍ଗୀତ ମହାବିଦ୍ୟାଳୟ ଅଧ୍ୟକ୍ଷ ବିଜୟକୁମାର ଜେନା, ଗୁରୁକୁଳ ପ୍ରତିଷ୍ଠାତା ଗୁରୁ ରାମହରି ଦାସ, ଗୁରୁକୁଳ ସଂପାଦକ ହିମାଂଶୁ ଶେଖର ସ୍ୱାଇଁ ଯୋଗଦାନ କରିଥିଲେ।
ପ୍ରଥମେ ଅତିଥିମାନେ ଶ୍ରୀ ଜଗନ୍ନାଥଙ୍କ ଫଟୋଚିତ୍ରରେ ମାଲ୍ୟାର୍ପଣ କରିବା ପରେ କାର୍ଯ୍ୟକ୍ରମ ଆନୁଷ୍ଠାନିକ ଭାବେ ଆରମ୍ଭ ହୋଇଥିଲା । ଗୁରୁ ରବୀଶଙ୍କର ପ୍ରଧାନ ଏକକ ସିତାର ବାଦନ ରାଗ ବସନ୍ତ ପରିବେଷଣ କରିଥିଲେ। ବେଙ୍ଗାଲୁରୁର ସରିତା ମିଶ୍ର’ ଆହେ ନୀଳଶଇଳ’ ଉପରେ ଆଧାରିତ ଏକକ ଓଡିଶୀ ନୃତ୍ୟ ପରିବେଷଣ କରିଥିଲେ। ଭୁବନେଶ୍ୱରର କ୍ରିଏଟିଭ ମାସ୍ ପକ୍ଷରୁ କୁମାର ଚନ୍ଦ୍ର ସେଠ ଓ ସାଥିମାନେ ‘ଏଇ ଆମରି ଗାଁ’ ନୃତ୍ୟ ନାଟିକା ପରିବେଷଣ ଦର୍ଶକମାନଙ୍କୁ ବିଭୋର କରିଥିଲା । ଡ ଶ୍ରୀନିବାସ ଘଟୁଆରୀ କାର୍ଯ୍ୟକ୍ରମ ସଂଯୋଜନା କରିଥିବା ବେଳେ ଗୁରୁକୂଳ ଅଧ୍ଯକ୍ଷ ଧନେଶ୍ଵର ସ୍ୱାଇଁ ଧନ୍ଯବାଦ ଅର୍ପଣ କରିଥିଲେ।
ସେହିପରି ଦ୍ୱିତୀୟ ସନ୍ଧ୍ୟାରେ ଭୁବନେଶ୍ୱରର ଗୁରୁ ବିଜୟାନନ୍ଦ ନାୟକଙ୍କ ତତ୍ୱାବଧାନରେ ସୁଶ୍ରୀ ଶୁଭାସିନୀ ରାଉତ ଓ ନେହା ନିହାରିକା କର ଦ୍ୱୈତ ହିନ୍ଦୁସ୍ଥାନୀ ଶାସ୍ତ୍ରୀୟ ସଙ୍ଗିତ ଗାନ କରିଥିଲେ । ଭୁବନେଶ୍ୱରର ବାଦ୍ୟବାଣୀ ଗୁରୁକୂଳ ପକ୍ଷରୁ ଗୁରୁ ବିଶ୍ୱରଞ୍ଜନ ନନ୍ଦ ବାଦ୍ୟ ବିଚିତ୍ରା ପରିବେଷଣ କରିଥିବା ବେଳେ ଜାଗ୍ରୁତି କଲଚରାଲ ଏକାଡେମୀ ପକ୍ଷରୁ ଓଡିଶୀ ନୃତ୍ୟ ( ଗ୍ଲାନି ସଂହାର ) ପରିବେଷଣ କରାଯାଇ ଥିଲା । ଭୁବନେଶ୍ୱର ଉତ୍କଳ ସାହିତ୍ୟ ଓ କଳା ସଂସଦ ପକ୍ଷରୁ ପ୍ରସନ୍ନ କୁମାର ସାମନ୍ତ ଓ ତାଙ୍କ ସାଥିମାନେ ହାସ୍ୟ ରସାତ୍ମକ ପେଟେଣ୍ଟ ମେଡିସିନ ପରିବେଷଣ କରିଥିଲେ।
Comments are closed.