କେନ୍ଦୁଝରଗଡ଼: ପାଶ୍ଚାତ୍ୟ ସଭ୍ୟତାକୁ ଆପଣାଇ ଜନ୍ମ ଦିନକୁ ଅଧିକ ଉତ୍ସବ ମୁଖରିତ ଭାବେ ପାଳନ ପାଇଁ ପରିବାର ଓ ଶୁଭେଛୁଙ୍କ ଗହଣରେ କେକ୍ କାଟି ମିଠା ବାଣ୍ଟିବା ସତେଯେମିତି ଏକ ପ୍ରଥାରେ ପରିଣତ ହୋଇଗଲାଣି। ଏଭଳିସ୍ଥିତିରେ କେନ୍ଦୁଝର ସହର ବଣିଆପାଟ ସରସ୍ୱତୀ ଶିଶୁ ବିଦ୍ୟାମନ୍ଦିର ବିଜ୍ଞାନଶିକ୍ଷକ ବିଦ୍ୟାଧର ମହାନ୍ତ ଏଭଳି ପାଶ୍ଚାତ୍ୟ ସଭ୍ୟତା ପ୍ରତି ବିମୁଖତା ପ୍ରକଟ କରି ସୋମବାର ନିଜର ୪୬ତମ ଜନ୍ମଦିନକୁ ଅଧିକ ସ୍ମରଣୀୟ କରିବା ପାଇଁ ଥାଲେସେମିଆ ରୋଗରେ ଆକ୍ରାନ୍ତ ୮ବର୍ଷର ଶିଶୁ ବଙ୍ଗାଳୀ ମୁଣ୍ଡାଙ୍କୁ ଜିଲା ରକ୍ତ ଭଣ୍ଡାରରେ ପହଞ୍ଚି ସ୍ୱେଛାକୃତ ରକ୍ତଦାନ କରି ଖୁସି ବ୍ୟକ୍ତ କରିଛନ୍ତି। ଶ୍ରୀ ମହାନ୍ତ ଗତ ୩ବର୍ଷ ଧରି ଜନ୍ମଦିନରେ ରକ୍ତଦାନ କରି ଆସୁଥିବା ବେଳେ ସେ ବର୍ତ୍ତମାନ ସୁଦ୍ଧା ମୋଟ ୨୭ଥର ରକ୍ତଦାନ କରି ସାରିଥିବା ବେଳେ ଜନ୍ମଦିନ ଓ ବିବାହ ବାର୍ଷିକୀ ଭଳି ସ୍ମରଣୀୟ ଦିବସ ମାନଙ୍କରେ କେକ୍ କାଟି ଓ ମିଠା ବାଣ୍ଟି ଖୁସି ମନାଇବା ପରିବର୍ତ୍ତେ ରକ୍ତଦାନ କରି ଅନ୍ୟର ଜୀବନ ରକ୍ଷାରେ ସହାୟକ ହୋଇପାରିଲେ ବିଶ୍ୱ କଲ୍ୟାଣ ସାଧିତ ହୋଇପାରିବ ବୋଲି ତାଙ୍କ ବାର୍ତ୍ତାରେ ସେ ଏହି ନିବେଦନ କରିଛନ୍ତି।
Popular Categories
Previous article
Next article