ଓଡ଼ିଶା ସାଇ ଆଞ୍ଚଳିକ ଏକାଡେମୀକୁ ୫ ପଦକ

କଟକ: ଉତ୍ତରପ୍ରଦେଶର ଲକ୍ଷ୍ନୌରେ ଆୟୋଜିତ ସର୍ବଭାରତୀୟ ଉପ କନିଷ୍ଠ ମାନ୍ୟତା ବ୍ୟାଡମିଣ୍ଟନ ପ୍ରତିଯୋଗିତାରେ ଓଡ଼ିଶା ସାଇ ବ୍ୟାଡମିଣ୍ଟନ ଆଞ୍ଚଳିକ ଏକାଡେମୀର ପ୍ରତିଯୋଗୀମାନେ ୪ଟି ସ୍ବର୍ଣ୍ଣ ଓ ଗୋଟିଏ ରୌପ୍ୟ ସହ ୫ଟି ପଦକ ଜିତିଛନ୍ତି। ୧୭ ବର୍ଷରୁ କମ୍‌ ବାଳିକା ଯୁଗଳରେ ପ୍ରଗତି ପରିଡା- ବିଶାଖା ଟପ୍ପୋ, ମିଶ୍ରିତ ଯୁଗଳରେ ପ୍ରଗତି ପରିଡା-ଭାଗର୍ବ ରାମ, ୧୭ ବର୍ଷରୁ କମ୍‌ ବାଳକ ଯୁଗଳରେ ବିଶ୍ବ ତେଜ-ଭାଗର୍ବ ରାମ ଓ ୧୫ ବର୍ଷରୁ କମ୍‌ ମିଶ୍ରିତ ବର୍ଗରେ ଜଙ୍ଗଜିତ୍‌ ସିଂହ ଓ କାଜଲ ଯୋଡ଼ି ସ୍ବର୍ଣ୍ଣ, ୧୭ ବର୍ଷରୁ କମ୍‌ ମିଶ୍ରିତ ବର୍ଗରେ ବିଶାଖା ଟପ୍ପୋ-ବିଶ୍ବ ତେଜ୍‌ ଯୋଡ଼ି ରୌପ୍ୟ ପଦକ ଜିତିଛନ୍ତି।