ଚଣ୍ଡିଗଡ଼କୁ ହରାଇ ସେମିରେ ଓଡ଼ିଶା

କଟକ  : ପଞ୍ଜାବର ଅମୃତସରରେ ଚାଲିଥିବା ଜାତୀୟ ବରିଷ୍ଠ ମହିଳା ଫୁଟବଲ ଚମ୍ପିଆନସିପ୍‌ ଫାଇନାଲ ରାଉଣ୍ଡର ସେମିଫାଇନାଲରେ ଓଡ଼ିଶା ପ୍ରବେଶ କରିଛି। ଶୁକ୍ରବାର ଗ୍ରୁପ-ଏ ର ଶେଷ ମ୍ୟାଚରେ ଓଡ଼ିଶା ସତ୍ୟବତୀ ଖାଡ଼ିଆଙ୍କ ୨ଟି ଗୋଲ୍‌ ବଳରେ ୨-୦ ଗୋଲରେ ଚଣ୍ଡିଗଡ଼କୁ ପରାସ୍ତ କରିଛି। ଓଡ଼ିଶା ପକ୍ଷରୁ ୨୭ ମିନିଟ୍‌ରେ ସତ୍ୟବତୀ ଖାଡ଼ିଆ ପ୍ରଥମ ଗୋଲ ଦେଇଥିଲେ। ପ୍ରଥମାର୍ଦ୍ଧ ସୁଦ୍ଧା ଓଡ଼ିଶା ୧-୦ ଗୋଲରେ ଆଗୁଆ ରହିଥିଲା। ଦ୍ବିତୀୟାର୍ଦ୍ଧ ତଥା ୮୭ ମିନିଟ୍‌ରେ ଓଡ଼ିଶା ପକ୍ଷରୁ ସତ୍ୟବତୀ ଖାଡ଼ିଆ ଦ୍ବିତୀୟ ଗୋଲ ଦେଇ ଦଳକୁ ୨-୦ରେ ବିଜୟୀ କରାଇଥିଲେ। ଓଡ଼ିଶା ୫ଟି ମ୍ୟାଚରୁ ୪ଟି ବିଜୟ ଓ ଗୋଟିଏ ପରାଜୟ ସହ ୮ ପଏଣ୍ଟ ପାଇ ସେମିଫାଇନାଲରେ ପହଞ୍ଚିଛି। ଓଡ଼ିଶା ପ୍ରଥମ ମ୍ୟାଚରେ ୨-୦ ଗୋଲରେ ଝାଡଖଣ୍ଡକୁ ପରାସ୍ତ କରିଥିବାବେଳେ ଦ୍ବିତୀୟ ମ୍ୟାଚରେ ୦-୩ ଗୋଲରେ ତାମିଲନାଡୁ ନିକଟରୁ ପରାଜିତ ହୋଇଥିଲା। ୩ୟ ମ୍ୟାଚରେ ୫-୦ ଗୋଲରେ ପଞ୍ଜାବକୁ ଓ ୪ର୍ଥ ମ୍ୟାଚରେ କର୍ଣ୍ଣାଟକକୁ ୪-୦ ଗୋଲରେ ପରାସ୍ତ କରିଥିଲା।