ଗଞ୍ଜାମ : ଗଞ୍ଜାମ ବ୍ଲକ ଅନ୍ତର୍ଗତ ହୁମାଠାରେ ୧୬ ନମ୍ବର ଜାତୀୟ ରାଜପଥ ଉପରେ ନିର୍ମାଣଧୀନ ଓଭର ବ୍ରିଜ ଦୀର୍ଘ ଦିନ ହେବ କାମ ଚାଲିଛି । ଫଳରେ ଗୋଟିଏ ପାର୍ଶ୍ୱ ରାସ୍ତାରେ ଯାତାୟାତ ଯୋଗୁଁ ଲୋକମାନେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି । ଯାନବାହାନ ଗୁଡିକ ପାସ ହେବା ପାଇଁ ଦୀର୍ଘ ସମୟ ଧରି ଅପେକ୍ଷା କରିବାକୁ ପଡୁଛି । ଏପରିକି ଜରୁରୀ କାଳୀନ ଆମ୍ବୁଲାନ୍ସ ସେବାରେ ମଧ୍ୟ୍ୟ ଅସୁବିଧା ସୃଷ୍ଟି ହେଉଛି । ଏନେଇ ସ୍ଥାନୀୟ ସମିତି ସଭ୍ୟ ତଥା ହୁମା ଭାଜପା ମଣ୍ଡଳ ସଭାପତି ଧ୍ରୁବ ଚରଣ ପଲାଇ ଲୋକମାନେ ବାରମ୍ବାର ଅଭିଯୋଗ କଲେ ମଧ୍ୟ କିଛି ପଦକ୍ଷେପ ନିଆଯାଉନି । ତେଣୁ ବାଧ୍ୟ ହୋଇ ଆଗାମୀ ଦିନରେ ସ୍ଥାନୀୟ ଜନସାଧାରଣ ନେଇ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି । ଦୀର୍ଘ ଦିନ ହେଲା ଓଭର ବ୍ରିଜ ନ ହେବା ଫଳରେ ଲୋକଙ୍କ ମଧ୍ୟରେ ଘୋର ଅସନ୍ତୋଷ ଦେଖାଦେଇଛି । ସୂଚନା ଯୋଗ୍ୟ ଯେ ହୁମା ଠାରେ ହେଉଥିବା ଓଭର ବ୍ରିଜ ଦୀର୍ଘ ବର୍ଷ ହେଲା ନିର୍ମାଣ ହେଇପାରୁନି । ଫଳରେ ବିଶେଷ ଭାବରେ ସନ୍ଧ୍ୟା ସମୟରେ ଯାତାୟାତରେ ଅସୁବିଧା ସୃଷ୍ଟି ହେଉଛି । ରାଜପଥର ଉଭୟ ପଟର ଯାନବାହାନ ଗୋଟିଏ ରାସ୍ତାରେ ଯାଉଥିବା ବେଳେ ଆସ୍କା, ହୁମାକୁ ସଂଯୋଗ ରାଜ୍ୟ ରାଜପଥ ମଧ୍ୟ ଓଭର ବ୍ରିଜ ନିକଟରେ ସରିଛି । ଫଳରେ ତିନି ପଟୁ ଆସୁଥିବା ଯାନବାହାନ ଗୋଟିଏ ରାସ୍ତାରେ ଯିବା ସମସ୍ୟା ସୃଷ୍ଟି ହେଉଛି । ଜାତୀୟ ରାଜପଥ ପ୍ରାଧିକାରଣ ବିଭାଗ ଏଥିପ୍ରତି ଦୃଷ୍ଟି ଦେଇ ନିର୍ମାଣ କାର୍ଯ୍ୟ ସାରିବା ପାଇଁ ଜନସାଧାରଣ ପକ୍ଷରୁ ଦାବି ହେଉଛି ।
Popular Categories
Previous article
Next article