ଦାରିଙ୍ଗବାଡ଼ି: ଦାରିଙ୍ଗବାଡ଼ି ତହସିଲ ପକ୍ଷରୁ ସ୍ୟାଙ୍ଗବାଲି ଗ୍ରାମ ପଞ୍ଚାୟତ ପରିସରରେ ରାଜସ୍ୱ ମେଳା ଅନୁଷ୍ଠିତ ହୋଇଛି। ଏଥିରେ ତହସିଲଦାର ଶରତ ଶବରଙ୍କ ସହିତ ରାଜସ୍ବ ନିରୀକ୍ଷକ ସୁବ୍ରତ କୁମାର ମଲିକ ଏବଂ ଜଙ୍ଗଲ ଜମି ସେଲର ସଂଯୋଜକ ସଲ୍ୟ ପ୍ରଧାନ ପ୍ରମୁଖ ଉପସ୍ଥିତ ଥିଲେ। ଏଥିରେ ସ୍ୟାଙ୍ଗବାଲି ଗ୍ରାମ ପଞ୍ଚାୟତର ସ୍ୟାଙ୍ଗ ବାଲି, ବ୍ରାହାସାଲକା, କୁଏରାଙ୍ଗା, ମାର୍ଦିପଙ୍କା, କୁସିପାଙ୍କା, କାକାମାହା ସମେତ ଅନ୍ୟ ଗ୍ରାମର ଜନସାଧାରଣ ଯୋଗ ଦେଇଥିଲେ। ମେଳାରେ ତହସିଲଦାର ଜଙ୍ଗଲ ଜମି ଅଧିକାର ଆଇନ, ରାଜସ୍ବ ବିଭାଗରେ ରହିଥିବା ବିଭିନ୍ନ ଯୋଜନା ଓ କେଉଁ ଯୋଜନାରେ କିକି ସୁବିଧା ରହିଛି ସେ ସମ୍ପର୍କରେ ଆଲୋଚନା କରି ସଚେତନ କରିଥିଲେ। ରାଜସ୍ବ ବିଭାଗରେ କେଉଁ ପ୍ରମାଣ ପାତ୍ର ପାଇବା ପାଇଁ ଦରଖାସ୍ତର କେତେଦିନରେ ପାଇବେ ସେହି ସୂଚନା ପ୍ରଦାନ କରିଥିଲେ। ଏହା ପରେ ସ୍ୟାଙ୍ଗ ବାଲି, ବ୍ରାହାସାଲକା, କୁଏରାଙ୍ଗା, ମାର୍ଦିପଙ୍କା, କୁସିପାଙ୍କା, କାକାମାହା ଗ୍ରାମର ୭୩ ଜଣକୁ ଜଙ୍ଗଲ ଜମି ପଟ୍ଟା ପ୍ରଦାନ କରିଥିଲେ।
Popular Categories
Previous article
Next article