୨୪ ଘଣ୍ଟା ଭିତରେ ଚୋରି ସାମଗ୍ରୀ ଉଦ୍ଧାର

ରେଙ୍ଗାଲିକ୍ୟାମ୍ପ: ଅତାବିରା ଥାନା ଗୋଡଭଗା ଗୋଲକ ନଗରର ଏମ୍ ବାଳକିଶୋର୍ ରାଓ ତାଙ୍କ ଘରୁ ଚୋରି ହୋଇଥିବା ଅତାବିରା ଥାନାରେ ଅଭିଯୋଗ କରିଥିଲେ। ଏହି ଅଭିଯୋଗକୁ ଭିତ୍ତି କରି ଥାନା ଅଧିକାରୀ ଅନିଲ କୁମାର ପ୍ରଧାନଙ୍କ ନେତୃତ୍ୱରେ ପୋଲିସ ପକ୍ଷରୁ ଅନୁସନ୍ଧାନ ଜାରି ରଖିଥିଲେ। ଚୋରିର ମାତ୍ର ୨୪ ଘଣ୍ଟା ଭିତରେ ପୋଲିସ ଉକ୍ତ ଚୋର ସହ ଚୋରି ସାମଗ୍ରୀକୁ ଠାବ କରିବାରେ ସଫଳ ହୋଇଛି। ଏହି ଦୁର୍ବୃତ୍ତ ଜଣକ ହେଲେ ବୁର୍ଲା ଥାନା ଅନ୍ତର୍ଗତ ଝାର୍ମୁଣ୍ଡା ଗ୍ରାମର ନିରନ୍ ସୁନା ଓରଫ ଡନ (୧୯ )। ତାକୁ ଆଜି ସେହି ଗୋଲକ ନଗରରେ ଗିରଫ କରି ଚୋରି କରିଥିବା ଗୋଟିଏ ସ୍କୁଟି, ଗୋଟିଏ ସ୍ମାର୍ଟ ଫୋନ୍, ନଗଦ ତିନି ହଜାର ଟଙ୍କା, ଏଟିଏମ୍ କାର୍ଡ ଓ ଗୋଟିଏ ଆଧାର କାର୍ଡ, ଗୋଟିଏ ଲୁହ ପ୍ଲାଶ ଓ ଗୋଟିଏ ଟେଷ୍ଟର ଜବତ କରିଛି। ଏହାକୁ ଭିତ୍ତି କରି କେସ ରୁଜୁ କରି ଦୁର୍ବୃତ୍ତକୁ କୋର୍ଟ ଚାଲାଣ କରାଯାଇ ଥିବା ଜଣାପଡିଛି।

Comments are closed.