ପାଟଣା: ଗୀତିକାର ହୁଅନ୍ତୁ ବା କଣ୍ଠଶିଳ୍ପୀ ମାନଙ୍କ କଣ୍ଠରେ ଘଟଗାଁ ବାସିନୀ ମା ତାରିଣୀଙ୍କ ଭଜନ ପରିବେଷଣ ସମୟରେ କେତେକ ଭଜନରେ ମା ତାରିଣୀଙ୍କୁ ଘଟଗାଁ ରାଣୀ ବୋଲି ଯାହା ଉଲ୍ଲେଖ କରାଯାଉଛି ତାହା ଅତ୍ୟନ୍ତ ଅଶୋଭନୀୟ ଓ ସଚେତନ ଶ୍ରୋତାଙ୍କ ପାଇଁ ମଧ୍ୟ ଏହା ଗ୍ରହଣୀୟ ନୁହେଁ ବୋଲି ବୁଦ୍ଧିଜିବୀ ମାନେ ମତ ରଖିଛନ୍ତି। କେବଳ ଓଡ଼ିଶା ନୁହେଁ ସମଗ୍ର ଭାରତ ବର୍ଷରେ କୌଣସି ସ୍ଥାନରେ ଦେବୀଙ୍କ ଉପରେ ଆଧାରିତ ଭଜନ ବା ଜଣାଣରେ ରାଣୀ ଶବ୍ଦର ବ୍ୟବହାର ହେଉନଥିବା ବେଳେ ଓଡ଼ିଶାର ଗୀତିକାର ଓ କଣ୍ଠଶିଳ୍ପୀ ତାରିଣୀଙ୍କୁ ତାଙ୍କ ଭଜନରେ ଘଟଗାଁ ରାଣୀ ମା ତାରିଣୀ, ତାରିଣୀ ନଡିଆ ରାଣୀ ନାମରେ ସମ୍ବୋଧନ କରିବା ଅଶୋଭନୀୟ ଓ ହୀନମନ୍ୟତାର ପରିଚୟ ବୋଲି କୁହାଯାଉଛି। ରାଣୀ ଶବ୍ଦ କେବଳ ମଣିଷ ସମାଜ ପାଇଁ ପ୍ରଯୁଜ୍ୟ ହୋଇଥିବା ବେଳେ ଦେବୀ ମା’ଙ୍କୁ ରାଣୀ ସଜାଇବା ଶୋଭନୀୟ ମନେ କରାଯାଉନଥିବାରୁ ଏଭଳି ସଙ୍ଗୀତ ଗୁଡ଼ିକୁ ମା’ ତାରିଣୀଙ୍କ ଅଗଣିତ ଭକ୍ତ ସମାଜ ବର୍ଜନ କରିବା ପାଇଁ ପରାମର୍ଶ ଦିଆଯିବା ସହ ଫେସବୁକ୍ ଓ ହ୍ୱାଟସ୍ ଆପ ବ୍ୟବହାରକାରୀ ମାନେ ମଧ୍ୟ ମା’ ତାରିଣୀଙ୍କ ଫଟୋ ପୋଷ୍ଟ କରିବା ସମୟରେ ମା’ ତାରିଣୀଙ୍କୁ ଘଟଗାଁ ରାଣୀ ଉଲ୍ଲେଖ ନକରି ଘଟଗାଁ ବାସିନୀ ମା’ ତାରିଣୀ ବୋଲି ଲେଖିବାକୁ ବୁଦ୍ଧିଜିବୀ ମାନେ ପରାମର୍ଶ ଦେଇଛନ୍ତି।
Comments are closed.