ଅତାବିରା ମହାବିଦ୍ୟାଳୟରେ ‘ଅଗ୍ନିବୀର’ ସଚେତନତା ଶିବିର

ରେଙ୍ଗାଲିକ୍ୟାମ୍ପ: ସମ୍ବଲପୁର ଆର୍ମି ରିକ୍ୱିର୍ମେଣ୍ଟ କାର୍ୟ୍ୟାଳୟ ଓ ବରଗଡ଼ ଜିଲ୍ଲା ନିୟୋଜନ କାର୍ୟ୍ୟାଳୟର ମିଳିତ ଆନୁକୁଲ୍ୟରେ ଅତାବିରା ମହାବିଦ୍ୟାଳୟରେ ଅଧ୍ୟକ୍ଷ ଅଶ୍ଵିନୀ କୁମାର ପ୍ରଧାନଙ୍କ ଅଧ୍ୟକ୍ଷତାରେ ଅଗ୍ନିବୀର ସଚେତନତା ଶିବିର ଅନୁଷ୍ଠିତ ହୋଇଥିଲା। ଭାରତୀୟ ସୈନ୍ୟ ବିଭାଗରେ ଯୋଗ ଦେବା ପାଇଁ କଣ ସବୁ ପ୍ରକ୍ରିୟାର ଆବଶ୍ୟକତା ଥାଏ, ସେମାନେ କେଉଁ ମାଧ୍ୟମରେ ଆବେଦନ କରିବେ, ତା ପାଇଁ କି କି ଯୋଗ୍ୟତା ରହିବ ଦରକାର ଏସବୁ ଜାଣି ନଥାନ୍ତି। ତେଣୁ ସେନାରେ ନିଯୁକ୍ତି ହେବା ପାଇଁ କି କି ବିଷୟ ପ୍ରତି ଧ୍ୟାନ ଦେବାକୁ ପଡେ, କେମିତି ଆବେଦନ କରିବେ, କେଉଁପରି କରିବେ ସେ ଉପରେ ଏହି ସଚେତନତା ଶିବିରରେ ଶିକ୍ଷା ଦିଆଯାଇଥିଲା। ଜିଲ୍ଲା ନିୟୋଜନ ଅଧିକାରୀ ବିଦ୍ୟୁତ୍ ପ୍ରଭା ସାହୁ ଛାତ୍ରଛାତ୍ରୀମାନଙ୍କୁ ଏହା ଉପରେ ଉଦବୋଧନ ଦେଇଥିଲେ। ସମ୍ବଲପୁର ସେନାର ସୁବେଦାର ମେଜର ରାଜେଶ୍ ନାୱାନି ଓ ଅମିତ୍ କୁମାର ସିଂ ଛାତ୍ରଛାତ୍ରୀ ମାନଙ୍କୁ ସଚେତନ କରିଥିଲେ।

Comments are closed.