ନବରଙ୍ଗପୁର: ନବରଙ୍ଗପୁର ଅତିରିକ୍ତ ଜିଲାପାଳ ଭାସ୍କର ରଇତ ନବରଙ୍ଗପୁର ପଞ୍ଚାୟତ ସମିତିର ସମନ୍ବିତ ଶିଶୁ ବିକାଶ ପ୍ରକଳ୍ପ ଅନ୍ତର୍ଗତ ବନ୍ଧଗୁଡା ଗ୍ରାମର ଅଙ୍ଗନବାଡି କର୍ମୀ ପୂର୍ଣ୍ଣିମା ଚଲାନଙ୍କୁ ଅଯୋଗ୍ୟ ଘୋଷିତ କରିଛନ୍ତି। ଏହାର ଅଭିଯୋଗ କରି ବେତାଳର ଦରଖାସ୍ତକାରିଣୀ ଉର୍ମିଲା ଭତରା ନବରଙ୍ଗପୁର ଅତିରିକ୍ତ ଜିଲାପାଳଙ୍କ ଅଦାଲତରେ ଏକ ମାମଲା ଦୟାର କରିଥିଲେ। ସେ ଜଣେ ଆଦିବାସୀ ମହିଳା ହୋଇ ସମସ୍ତ ଆବେଦନ ପାର୍ଥିନୀଙ୍କର ମଧ୍ୟରୁ ସର୍ବାଧିକ ମ।ର୍କ ରଖିଥିଲେ ମଧ୍ୟ ତାଙ୍କୁ ଏହି ପଦବୀରେ ନିଯୁକ୍ତି ଦିଆ ନ ଯାଇ କମ ମ।ର୍କ ରଖିଥିବା ପୂର୍ଣ୍ଣିମା ଚଲାନଙ୍କୁ ନିଯୁକ୍ତି ଦିଆଯାଇଛି।
ଏହି ମାମଲାରେ ଉଭୟଙ୍କର ସବୁ କାଗଜ ପ୍ରମାଣ ପତ୍ର ଯାଞ୍ଚ କରି ଦରଖାସ୍ତକାରିଣୀ ବେତାଳର ଉର୍ମିଲା ଭତରାଙ୍କୁ ଯୋଗ୍ୟ ବୋଲି ରାୟ ପ୍ରଦାନ କରି ଆଦେଶ ଦେଇଥିଲେ। ଏହି ମାମଲାରେ ନବରଙ୍ଗପୁର ଅତିରିକ୍ତ ଜିଲାପାଳ ତାଙ୍କର ପତ୍ର ମାଧ୍ୟମରେ ଉପଜିଲ୍ଲାପାଳ ତଥା ଅଧକ୍ଷ, ଆଇସିଡିଏସ, ନବରଙ୍ଗପୁର, ସିଡିପିଓ, ନବରଙ୍ଗପୁର ସମସ୍ତଙ୍କୁ ଏହି ଆଦେଶ କାର୍ଯ୍ୟକାରୀ ନିମନ୍ତେ ଚିଠି ପ୍ରରଣ କରିଛନ୍ତି। ଦରଖାସ୍ତକାରିଣୀ ଉର୍ମିଲା ଭତରାଙ୍କ ତରଫରୁ ନବରଙ୍ଗପୁରର ବରିଷ୍ଟ ଓକିଲ ପ୍ରଶାନ୍ତ କୁମାର ପଟ୍ଟନାୟକ ଏହି ମୋକଦ୍ଦମା ପରିଚାଳନା କରିଥିଲେ।
