କଣ୍ଟାବାଞ୍ଜି: ବଲାଙ୍ଗିର ଜିଲା କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ଗସ୍ତ କରିଛନ୍ତି ଓଡିଶା ବିଧାନସଭା ଗୃହ କମିଟିର ୭ ଜଣିଆ ଦଳ। ଗୃହ କମିଟିର ଅଧ୍ୟକ୍ଷ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗଙ୍କ ନେତୃତ୍ୱରେ କଣ୍ଟାବାଞ୍ଜି ଅଞ୍ଚଳର ବିଭିନ୍ନ ଗାଁ ପରିଦର୍ଶନ କରିଥିଲେ। କଣ୍ଟାବାଞ୍ଜି ପହଁଚିବା ପରେ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା। କଣ୍ଟାବାଞ୍ଜିର ଜୀବନରେଖା ପମ୍ପୁ ତଲାବକୁ ଗସ୍ତ କରି ଏହାର ଶୋଚନୀୟ ଅବସ୍ଥା ନେଇ ଚିନ୍ତା ପ୍ରକଟ କରିଥିଲେ। ପୁନରୁଦ୍ଧାର, ସୌନ୍ଦର୍ଯ୍ୟ କରଣ ନେଇ ପଦକ୍ଷେପ ନିଆଯିବ ବୋଲି ପ୍ରକାଶ କରିଥିଲେ।
କଣ୍ଟାବାଞ୍ଜିର ୪ ନଂ ୱାର୍ଡ ସ୍ଥିତ ରାସନ ବିତରଣ କେନ୍ଦ୍ର ପରିଦର୍ଶନ କରି ବଣ୍ଟନ କରାଯାଉଥିବା ଚାଉଳର ମାନ ଯାଞ୍ଚ କରିଥିଲେ।କମିଟି ଝରନୀ ଆଦର୍ଶ ବିଦ୍ୟାଳୟ ପରିଦର୍ଶନ କରି ବିଦ୍ୟାଳୟର ସୁବିଧା ଅସୁବିଧା ବୁଝିବା ସହ ଛାତ୍ରଛାତ୍ରୀ ମାନଙ୍କୁ ଦିଆଯାଉଥିବା ମଧ୍ୟାହ୍ନ ଭୋଜନ ତଦାରଖ କରିଥିଲେ।
