ଆଠଗଡ: ଆଠଗଡର ଗୋପବନ୍ଧୁ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ (କନିଷ୍ଠ କଲେଜ)ର ଯୁବ ରେଡକ୍ରସ ଓ ରେଡକ୍ରସ ରିବନ କ୍ଲବ ପକ୍ଷରୁ ଏକ ଆଶୁ ଚିକିତ୍ସା ତାଲିମ ଶିବିର ଅନୁଷ୍ଠିତ ହୋଇଯାଇଛି । କଲେଜର ଅଧ୍ୟକ୍ଷା ସଂଯୁକ୍ତା ମହାପାତ୍ରଙ୍କ ସଭାପତିତ୍ବରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କଟକ ଜିଲ୍ଲା ଯୁବ ରେଡକ୍ରସ ଆବାହକ ତଥା ଷ୍ଟିୱାର୍ଟ ବିଜ୍ଞାନ କଲେଜର ବରିଷ୍ଠ ଅଧ୍ୟାପିକା ଡ.ସସ୍ମିତା ପଟ୍ଟନାୟକ ମୁଖ୍ୟଅତିଥି ତଥା ତାଲିମଦାତ୍ରୀ ଭାବେ ଯୋଗଦାନ କରିଥିଲେ। ଡ.ପଟ୍ଟନାୟକ ରେଡକ୍ରସର ଇତିହାସ ଏବଂ ଏହାର କାର୍ଯ୍ୟଧାରା ବିଷୟରେ ଆଲୋକପାତ କରିଥିଲେ। ଜରୁରୀକାଳୀନ ପରିସ୍ଥିତିରେ ଲୋକଙ୍କ ଜୀବନ ରକ୍ଷା ପାଇଁ କିପରି ତ୍ୱରିତ ଆଶୁ ଚିକିତ୍ସା ଯୋଗାଇ ଦେଇ ହେବ ସେ ସମ୍ପର୍କରେ ବୁଝାଇବା ସହ ନିଜ ପାଖରେ ଉପଲବ୍ଧ ସାମଗ୍ରୀର ବ୍ୟବହାର କରି ଅଭ୍ୟାସ କରାଇଥିଲେ।
Comments are closed.