ସମ୍ବଲପୁର: ସମ୍ବଲପୁର ଜିଲାରେ ୬୦ ହଜାରରୁ ଊର୍ଦ୍ଧ୍ବ ପଞ୍ଜିକୃତ କୋଠାବାଡି ଓ ନିର୍ମାଣ ଶ୍ରମିକ ରହିଛନ୍ତି। ସରକାରୀ ପ୍ରାବଧାନ ଅନୁଯାୟୀ, ପ୍ରତି ବର୍ଷ ଏହି ଶ୍ରମିକ ମାନେ ସେମାନଙ୍କର ପରିଚୟ ପତ୍ର ନବୀକରଣ କରିବା ଜରୁରୀ ଅଟେ। କିନ୍ତୁ କରୋନା କାଳ ପରେ ଅନେକ କୋଠାବାଡି ଓ ନିର୍ମାଣ ଶ୍ରମିକ ମାନେ ସେମାନଙ୍କ ପରିଚୟ ପତ୍ର ଗୁଡିକୁ ନବୀକରଣ କରି ନ ଥିବାରୁ ସେ ଗୁଡିକ ନିଷ୍କ୍ରିୟ ହୋଇ ପଡ଼ିଛି ଏବଂ ସେମାନେ ସରକାରୀ ସୁବିଧା ପାଇ ପାରୁ ନାହାନ୍ତି। ଏଣୁ ଜିଲା ପ୍ରଶାସନ ଓ ଜିଲା ଶ୍ରମ କାର୍ଯ୍ୟାଳୟ ତରଫରୁ ମିଳିତ ପ୍ରୟାସରେ ସଚେତନତା ରଥ ଜିଲାର ସହରାଞ୍ଚଳରୁ ନେଇ ବିଭିନ୍ନ ପଞ୍ଚାୟତ ଓ ଗ୍ରାମାଞ୍ଚଳରେ ବୁଲି ବୁଲି ନିର୍ମାଣ ଶ୍ରମିକ ମାନଙ୍କ ପାଇଁ ସରକାରୀ ସହାୟତା ରାଶି, ସୁବିଧା, ପଞ୍ଜିକରଣ ନବୀକରଣ ସମ୍ପର୍କରେ ସଚେତନତା ସୃଷ୍ଟି କରୁଛି। ଏହି ସଚେତନତା ଫେବୁଆରୀ ମାସତମାମ ଜାରି ରହିବ। ଏବେ ସରକାର ଶ୍ରମିକ ମାନଙ୍କର ପରିଚୟ ପତ୍ରକୁ ନବୀକରଣ ପାଇଁ ଆଭାଷୀ (ଅନଲାଇନ) ସୁବିଧା କରିଥିବା ବେଳେ ସେମାନଙ୍କୁ ଆଭାଷୀ ମାଧ୍ୟମରେ ପରିଚୟ ପତ୍ରକୁ ନବୀକରଣ ପାଇଁ ଆବେଦନ କରିବା ପରେ ନିଜର କାଗଜପତ୍ର ଧରି ଶ୍ରମ କାର୍ଯ୍ୟାଳୟକୁ ଆସି ଯାଞ୍ଚ କରିବାକୁ ପରାମର୍ଶ ଦିଆଯାଉଛି।
Comments are closed.