ଆଠଗଡ: ଆଠଗଡ ପଞ୍ଚାୟତ ସମିତି ଅନ୍ତର୍ଗତ ୩୪ଟି ଗ୍ରାମପଞ୍ଚାୟତ ଦାୟିତ୍ୱରେ ଥିବା ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀମାନେ ପ୍ରଧାନମନ୍ତ୍ରୀ ଆବାସ ଯୋଜନା ସର୍ଭେ କାର୍ଯ୍ୟ ଜାରି ରଖିଛନ୍ତି। ଗୁରୁବାର ଅପରାହ୍ନରେ ଖୁଣ୍ଟୁଣୀ ପଞ୍ଚାୟତ କାର୍ଯ୍ୟାଳୟରେ ସରକାରୀ କାର୍ଯ୍ୟ କରୁଥିବା ସମୟରେ ତପନ କୁମାର ସାହୁ, ପରେଶ ସାହୁ ଏବଂ ଅନ୍ୟ ୩ ଜଣ ଅସାମାଜିକ ବ୍ୟକ୍ତି ଆସି କାର୍ଯ୍ୟ ନିର୍ଵାହୀ ଅଧିକାରୀ ଦିବ୍ୟାନୁ ରଞ୍ଜନ ବେହେରାଙ୍କୁ ମରଣାନ୍ତକ ଆକ୍ରମଣ କରିଥିଲେ। ଏ ବିଷୟରେ ଦିବ୍ୟାନୁ ଖୁଣ୍ଟୁଣୀ ଥାନାରେ ଲିଖିତ ଅଭିଯୋଗ କରିଛନ୍ତି। ସଂପୃକ୍ତ ଅସାମାଜିକ ବ୍ୟକ୍ତି ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନହେଲେ ଆଠଗଡ ପଞ୍ଚାୟତ ସମିତିର ସମସ୍ତ କର୍ମଚାରୀ ଆସନ୍ତା ୧୪ ତାରିଖରୁ କଲମ ଛାଡ ଆନ୍ଦୋଳନ କରିବେ ବୋଲି ଆଠଗଡ ଉପଜିଲ୍ଲାପାଳଙ୍କୁ ଲିଖିତ ଅଭିଯୋଗ କରିଛନ୍ତି।
Comments are closed.