ବ୍ରହ୍ମପୁର ବିଶ୍ଵବିଦ୍ୟାଳୟ ଚେସ ପୁରୁଷ ଦଳର ରାଞ୍ଚି ଗସ୍ତ

ଗୋପାଳପୁର: ବ୍ରହ୍ମପୁର ବିଶ୍ବବିଦ୍ୟାଳୟ କ୍ରୀଡ଼ା ପରିଷଦ ପକ୍ଷରୁ ଚେସ ପୁରୁଷ ଦଳ ରାଞ୍ଚି ଗସ୍ତ କରିଛନ୍ତି। ରାଞ୍ଚି ସ୍ଥିତ ସାରଳା ବିରଳା ୟୁନିଭରସିଟି ଠାରେ ଚଳିତ ମାସ ୨ ତାରିଖ ଠାରୁ ୮ ତାରିଖ ପର୍ଯ୍ୟନ୍ତ ହେବାକୁ ଥିବା ପୂର୍ବାଞ୍ଚଳ ଅନ୍ତଃବିଶ୍ବବିଦ୍ୟାଳୟ ପ୍ରତିଯୋଗିତା ଭାଗ ନେବେ। ଦଳରେ ବ୍ରହ୍ମପୁର ବିଶ୍ଵବିଦ୍ୟାଳୟ ପିଜି ବିଭାଗ ପିନାକୀ ପଣ୍ଡା, ଚିକିଟି ମହାବିଦ୍ୟାଳୟ ଓମ ପ୍ରକାଶ ସାହୁ, ବ୍ରହ୍ମପୁର ବିନାୟକ ଆଚାର୍ଯ୍ୟ କଲେଜ ସୁରଜ କୁମାର ତ୍ରିପାଠୀ, ବ୍ରହ୍ମପୁର ସି. ଟି କଲେଜ ପ୍ରିୟାଂଶୁ ନାରାୟଣ ଜେନା,ଜି. ଉଦୟଗିରି କଳିଙ୍ଗ ମହାବିଦ୍ୟାଳୟର ସୁମିତ ନାୟକ ରହିଥିବା ବେଳେ ମ୍ୟାନେଜର ଏବଂ କୋଚ ଭାବେ ବ୍ରାହ୍ମଣୀ ଗାଁ ଋଷିମାଳ ମହାବିଦ୍ୟାଳୟର ପିଇଟି ରବି ନାରାୟଣ ପାଢ଼ୀ ଦଳରେ ଗସ୍ତ କରିଛନ୍ତି।