ରେଙ୍ଗାଲିକ୍ୟାମ୍ପ: ବରଗଡ଼ ଜିଲ୍ଲା ଅତାବିରା ବ୍ଲକ ଜାଙ୍ଗେଡ ପଞ୍ଚାୟତ ଅଧିନରେ ଥିବା ଭାଲୁପତ୍ରା ଗ୍ରାମରେ ଦେଢ଼ କୋଟି ଅର୍ଥରେ ଶିଳ୍ପୀ ମାନଙ୍କ ଦ୍ଵାରା ସୁନ୍ଦର କାରୁକାର୍ଯ୍ୟରେ ରାମ ମନ୍ଦିର ନିର୍ମାଣ ହୋଇଛି। ଏହି ମନ୍ଦିରର ପ୍ରତିଷ୍ଠା ଉତ୍ସବ ଆଜିଠାରୁ ଦୀର୍ଘ ତିନି ଦିନ ଧରି ଚାଲିବ। ତେଣୁ ଆଜି ପ୍ରଥମ ଦିବସରେ ଏକ ଭବ୍ୟ କଳସ ଶୋଭାଯାତ୍ରା ହୋଇଥିଲା। ସକାଳ ୯ ଟାରେ ହଜାର ହଜାର ଶ୍ରଦ୍ଧାଳୁ ମହିଳା ଓ ପୁରୁଷ ଏହି ଶୋଭାଯାତ୍ରାରେ ସାମିଲ ହୋଇଥିଲେ। ଭାଲୂପତ୍ରାରୁ ବାହାରି ବାବେବୀରାର ଦୁଲୁଦୁଲି ବାଜା, ରାୟଗଡ଼ାର ଦାଣ୍ଡିଆ ନୃତ୍ୟ ଓ ରେଶମର ଘଣ୍ଟବାଦ୍ୟ ସହିତ ବିଶାଳ ସମାବେଶରେ ବାହାରି ଜାଙ୍ଗେଡ଼ ମହାଦେବ ମନ୍ଦିର ପୋଖରୀ ପର୍ଯ୍ୟନ୍ତ ପହଞ୍ଚିଥିଲା। ପଣ୍ଡିତ ରୂପେ ବରଣ ହୋଇ ଆସିଥିବା ଆନ୍ଧ୍ରପ୍ରଦେଶର ରାଜମଣ୍ଡ୍ରିର ମୁଖ୍ୟ ପଣ୍ଡିତ ରାଏ ଗଡି ମିଲ୍ଲି ରାମଦେବ ଶର୍ମା ଓ ତାଙ୍କ ୧୨ ଜଣ ସାଥିଙ୍କ ମନ୍ତ୍ର ପାଠରେ ମନ୍ତ୍ରିତ ପବିତ୍ର ଜଳ ପୂର୍ଣ୍ଣ କଳସ ନେଇ ଶୋଭାଯାତ୍ରାଟି ପୂଜା ମଣ୍ଡପରେ ପହଞ୍ଚିଥିଲା। ସପତ୍ନିକ ଭଣ୍ଡାଭିଲ୍ଲି ସତ୍ୟନାରାୟଣ, ବଡ୍ଡୁ ସୁବା ରାଓ, ୟେଳେଟି ରାଜା, ଗୁନମ ରାମବାବୁ, ଭଳୁରି ନାଗବାବୁ, ମୁତ୍ୟାଲା ଶ୍ରୀନିବାସ, ମଡ୍ଡି ପଟ୍ଟି ପାପା ରାଓ ଓ ମଡ୍ଡି ପାଟାଲା ରାଜବେନ୍ଦ୍ର ପ୍ରମୁଖ ଆଠ ଯୋଡ଼ି କର୍ତ୍ତା ଦାୟିତ୍ଵ ନିର୍ବାହ କରୁଛନ୍ତି। କଳସ ସ୍ଥାପନ ପୂର୍ବକ ମନ୍ଦିରକୁ ଶୁଦ୍ଧ କରାଯାଇ ଷୋଡଶ ପଚାର ପୂଜା କାର୍ଯ୍ୟ ଓ ହୋମ ଆଦି ସମ୍ପନ୍ନ ହୋଇଛି।
Popular Categories
Previous article
Next article