ଗୋଊ: ଗୋଳନ୍ଥରା ଥାନା ଅଧିନସ୍ଥ ଜାତୀୟ ରାଜପଥ ୧୬ ସୁମାଣ୍ଡି ଛକ ଠାରେ ଏକ କାରକୁ ଭଙ୍ଗାରୁଜା କରି ଆକ୍ରମଣ କରିବା ଅଭିଯୋଗରେ ମଙ୍ଗଳବାର ପୋଲିସ ଏଥିରେ ସମ୍ପୃକ୍ତ ଥିବା ଜଣେ ଯୁବକକୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ହେଲେ ପାରଳାଖେମୁଣ୍ଡି ରାମନଗର ଅଞ୍ଚଳର ଅର୍ଜୁନ ଭୋଷଲେ (୨୦) ବୋଲି ତଦନ୍ତ କରି ଅଧିକାରୀ ରାମ ଶଙ୍କର ବେହେରା ସୂଚନା ଦେଇଛନ୍ତି। ସଦର ଥାନା ଅଧିନସ୍ଥ ଗୁଣ୍ଠବନ୍ଧ ଗ୍ରାମର ରମେଶ ଚଦ୍ର ମହାନ୍ତି କାର ଯୋଗେ କୋଣସି କାମନେଇ ଗତ ୫ ତାରିଖ ରାତିରେ ଇଛାପୁର ଯାଇଥିଲେ। କାମ ସାରି ରାତି ୧୧ ଟା ବେଳେ ୧୬ ନଂ ଜାତୀୟ ରାଜପଥ ଦେଇ ବ୍ରହ୍ମପୁର ଫେରୁଥିବା ବେଳେ ସୁମାଣ୍ଡି ନିକଟରେ ହଠାତ ଚାରି ଜଣ ଯୁବକ କାର ସମ୍ମୁଖକୁ ଆସି ପଥର ଫିଙ୍ଗିବା ସହ ଠେଙ୍ଗାରେ କାରର କାଚ ଭାଙ୍ଗି ଦେଇଥିଲେ। ଆକ୍ରମଣ ମଧ୍ୟ କରିଥିଲେ। କିନ୍ତୁ କୈଶଳ କ୍ରମେ ସେମାନେ କାରକୁ ନ ଅଟକାଇ ସେଠାରୁ ଦୃତ ଗତିରେ ଚାଲି ଯାଇଥିଲେ। ଏ ନେଇ ରମେଶ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ। ଘଟଣାରେ ସମ୍ପୃକ୍ତ ଥିବା ଅର୍ଜୁନକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି। ଅନ୍ୟ ଅଭିଯୁକ୍ତମାନଙ୍କୁ ଖୁବ ଶୀଘ୍ର ଗିରଫ କରାଯିବ ବୋଲି ପୋଲିସ ସୂଚନା ଦେଇଛି।
Comments are closed.