ଗୁରୁଡ଼ିଝାଟିଆ: ବାତ୍ୟା ପ୍ରଭାବରେ ଗୁରୁଡ଼ିଝାଟିଆ ଅଞ୍ଚଳର ଅଭାବୀ ପରିବାରଙ୍କ ଘରେ ଚୁଲି ଜଳୁନି। ଗୁରୁବାର ସନ୍ଧ୍ୟାରୁ ବାତ୍ୟା ଆଶ୍ରୟସ୍ଥଳ ଓ ବିଦ୍ୟାଳୟମାନଙ୍କରେ ରହିଥିଲେ। ଶୁକ୍ରବାର ସକାଳୁ ନିଜ ଘରକୁ ଫେରିଥିଲେ। ହେଲେ କାହାର ଘରେ ପାଣି ପଶିଯାଇଛି ତ ଆଉକାହାଘରେ ବର୍ଷାରେ କାଦୁଅ ହୋଇଯାଇଛି। ଏଭଳି ଅବସ୍ଥା ଦେଖିବାକୁ ମିଳିଥିଲା। ଭାରତୀୟ ଜନତା ପାର୍ଟି ଓ ବିଜୁ ଜନତାଦଳ ପକ୍ଷରୁ ବିପନ୍ନ ପରିବାରମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରାଯାଇଥିଲା। ବିଜେପି ନେତା ଅଭୟ ବାରିକ ଙ୍କ ନେତୃତ୍ୱରେ ଜଗଦାନନ୍ଦ ତ୍ରିପାଠୀ, ନୂତନ ରାଉତ ଓ ସମର୍ଥକମାନେ ସୁନିଆମୁହଁ, ବାମନପୁର, ରାମଶ୍ୟାମପୁର, ଘଣ୍ଟିଖାଲ, ଗୁରୁଡ଼ିଝାଟିଆ ଓ ଗୋବରା ପଞ୍ଚାୟତର ବିଭିନ୍ନ ବର୍ଗର ଅଭାବୀ ଜନସାଧାରଣଙ୍କୁ ଶୁଖିଲାଖାଦ୍ୟ ପ୍ରଦାନ କରାଯାଇଥିଲା ଓ ଅନ୍ୟାନ୍ୟ ଅସୁବିଧା ସଂପର୍କରେ ଶ୍ରୀ ବାରିକ ପଚାରି ବୁଝିଥିଲେ। ସେହିଭଳି ବିଜୁ ଜନତା ଦଳ ପକ୍ଷରୁ ଜିଲ୍ଲା ପରିଷଦ ସଦସ୍ୟ ବଳଭଦ୍ର ବାଘ ଙ୍କ ନେତୃତ୍ୱରେ ନିରାକାର ଲେଙ୍କା, କେଶବ ଜେନା ପ୍ରମୁଖ ମଞ୍ଚେଶ୍ୱର, ଘଣ୍ଟିଖାଲ ଓ ରାଜନଗର ପଞ୍ଚାୟତର ବିଭିନ୍ନ ଗାଁମାନଙ୍କରେ ଶୁଖିଲା ଖାଦ୍ୟ ବଣ୍ଟନ କରାଯାଇଛି।
Popular Categories
Previous article
Next article