ଆଠଗଡ: ଶାରଦୀୟ ଦୁର୍ଗାପୂଜା ଉପଲକ୍ଷେ ରଙ୍ଗବେରଙ୍ଗ ଆଲୋକମାଳା ଓ ଆଲୋକ ତୋରଣରେ ଝଲସି ଉଠୁଛି ସମଗ୍ର ଆଠଗଡ ସହର ଓ ଅନେକ ଗ୍ରାମାଞ୍ଚଳ। ଆଠଗଡର ଦେବୀପୀଠ ମା ବାଉତୀ, ଦକ୍ଷିଣଚଣ୍ଡୀ ଓ ଉତ୍ତରାଚଣ୍ଡୀ ପୀଠରେ ଗୁରୁବାର ମହାଷ୍ଟମୀ ଏବଂ ମା’ ଦୁର୍ଗାଙ୍କ ମୃଣ୍ମୟୀ ପ୍ରତିମା ପୂଜା ପାଉଥିବା ପୂଜା ମଣ୍ଡପ ମଗୁଡିକରେ ଆଜି ମହାସପ୍ତମୀ ପୂଜା ପାରମ୍ପରିକ ନୀତି ଅନୁଯାୟୀ ସମ୍ପନ୍ନ ହୋଇଛି । ଆଠଗଡ ସହରରେ ମୋଟ ପ୍ରାୟ ୨୫ଟି ପୂଜା ମଣ୍ଡପ ମଧ୍ୟରୁ ୫ ଟିରେ ମା ଦୁର୍ଗାଙ୍କ ମୃଣ୍ମୟୀ ପ୍ରତିମା ପୂଜା ପାଉଥିବାବେଳେ ବାକି ବିଭିନ୍ନ ବଜାର ଓ ସାହିବସ୍ତିର ପୂଜ ମଣ୍ଡପରେ ହରପାର୍ବତୀଙ୍କ ପ୍ରତିମା ପୂଜିତ ହେଉଛନ୍ତି । ଆଠଗଡ ଦୁର୍ଗା ବଜାର, ରାସରସିକପୁର ସାହି, ଚାନ୍ଦବାଲିଛକ ବଜାର, କନ୍ତୋଲ ଦୁର୍ଗା ବଜାର ଓ ହାଟ ବଜାରରେ ମା’ ଦୁର୍ଗାଙ୍କ ମୃଣ୍ମୟୀ ପ୍ରତିମା ପୂଜା ପାଉଛନ୍ତି । ଦୁର୍ଗାପୂଜା ଓ ଦଶହରା ଲାଗି ଉତ୍ସବମୁଖର ହୋଇ ଉଠିଛି ପୁରପଲ୍ଲୀ । ଆଠଗଡ ସହରରେ ଶାନ୍ତିଶୃଙ୍ଖଳା ରକ୍ଷା ଓ ଟ୍ରାଫିକ ନିୟନ୍ତ୍ରଣ ପାଇଁ ବ୍ୟାପକ ପୁଲିସ ବ୍ୟବସ୍ଥା କରାଯାଇଛି । ଆସନ୍ତା ଶନିବାର ନବମୀ ଓ ରବିବାର ଦଶମୀ ଉପଲକ୍ଷେ ସହରର ସମସ୍ତ ମୁଖ୍ଯ ବଜାର କମିଟି ପକ୍ଷରୁ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ପାଇଁ ପ୍ରସ୍ତୁତି ଚାଲିଛି ।
Popular Categories
Previous article
Next article