ସମ୍ବଲପୁର: ବିଶ୍ୱ ଡାକ ଦିବସ ଉପଲକ୍ଷେ ବୁଧବାର ସମ୍ବଲପୁର ମୁଖ୍ୟ ଡାକଘର ପକ୍ଷରୁ ପୋଷ୍ଟମାଷ୍ଟର ତରଣୀ ସେନ ଭୁସାଗରଙ୍କ ନେତୃତ୍ୱରେ ‘ଫିଟ ପୋଷ୍ଟ, ଫିଟ ଇଣ୍ଡିଆ’ ବାର୍ତ୍ତା ନେଇ ପୋଷ୍ଟାଥନ ପଦଯାତ୍ରା ଆୟୋଜିତ ହୋଇଯାଇଛି। ଏହି ପଦଯାତ୍ରା ସମ୍ବଲପୁର ମୁଖ୍ୟ ଡାକଘରରୁ ଆରମ୍ଭ ହୋଇ କଚେରୀ ଛକ ଦେଇ ରିଂ ରୋଡରେ ମାଁ ସମଲେଶ୍ୱରୀ ମନ୍ଦିର ପର୍ଯ୍ୟନ୍ତ ଯାଇଥିଲା। ଏହି କାର୍ଯ୍ୟକ୍ରମରେ ମୁଖ୍ୟ ଡାକଘରର ଅଧିକାରୀ ଓ କର୍ମଚାରୀ ମାନେ ସାମିଲ ହୋଇ ଫିଟ ପୋଷ୍ଟ, ଫିଟ ଇଣ୍ଡିଆ ଥିମକୁ ବ୍ୟାନର, ପୋଷ୍ଟର ଓ ବିଭିନ୍ନ ସ୍ଲୋଗାନ ଦେଇ ଜନସଚେତନ ଓ ପ୍ରଚାର ପ୍ରସାର କରିଥିଲେ।
Comments are closed.