ରେଙ୍ଗାଲି: କେନ୍ଦ୍ର ସାହିତ୍ୟ ଏକାଡେମୀ ଓ ସମ୍ବଲପୁର ଜିଲ୍ଲାର ଖିଣ୍ଡା ସ୍ଥିତ ବିପ୍ଳବୀ ବୀର ସୁରେନ୍ଦ୍ର ସାଏ ଉଚ୍ଚ ମାଧ୍ୟମିକ ବିଦ୍ୟାଳୟର ମିଳିତ ଆନୁକୂଲ୍ୟରେ ଗ୍ରାମାଲୋକ ଓଡ଼ିଆ କବିତା ଓ ଗଳ୍ପ ପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଅକାଦେମ ର ଓଡ଼ିଆ ଉପଦେଷ୍ଟା ମଣ୍ଡଳୀ ସଦସ୍ୟ ଡଃ ମନୋଜ କୁମାର ପଣ୍ଡା କାର୍ଯ୍ୟକ୍ରମରେ ସଭାପତିତ୍ବ କରିଥିଲେ। ସଭାପତି ଡଃ ପଣ୍ଡା ପ୍ରାରମ୍ଭରେ ଗ୍ରାମୀଣ ସାହିତ୍ୟିକମାନଙ୍କୁ ଲୋକଲୋଚନକୁ ଆଣିବାକୁ କେନ୍ଦ୍ର ସାହିତ୍ୟ ଅକାଦେମୀର ଆଭିମୁଖ୍ୟ ସମ୍ପର୍କରେ ସମ୍ୟକ୍ ସୂଚନା ଦେଇଥିଲେ। ନିମନ୍ତ୍ରିତ ଲେଖକ ବୈକୁଣ୍ଠନାଥ ସୁନାନୀ, ପର୍ଶୁରାମ ନାଥ ଓ ଗୌରିଦାସ ପଧାନ ସ୍ବରଚିତ କବିତା ଓ ଗଳ୍ପ ପାଠ କରିଥିଲେ। ସାହିତ୍ୟପ୍ରେମୀ ଦୁର୍ଗାପ୍ରସାଦ ସାହୁ ଖିଣ୍ଡା ବୀର ସୁରେନ୍ଦ୍ର ସାଏ ଜନ୍ମମାଟିରେ ଏଭଳି ଆୟୋଜନର ଉଜ୍ଜଳ ଭବିଷ୍ୟତ କାମନା କରି ବକ୍ତବ୍ୟ ରଖିଥିଲେ। ‘ଆମ ସାହିତ୍ୟ ଆମ କବି ଲେଖକ‘ ଶିରୋନାମାରେ ଏକ କୁଇଜ୍ ଓ କବିତା ଆବୃତ୍ତି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏହି ପ୍ରତିଯୋଗିତାକୁ ପରିଚାଳନା କରିଥିଲେ ଶିକ୍ଷୟତ୍ରୀ ସୁଶ୍ରୀ ମନିଷା ବରିହା ଓ ପ୍ରତ୍ୟାଶା ପାଣିଗ୍ରାହୀ। କୃତି ପ୍ରତିଯୋଗୀ ରେଶମା ବସରା, ରିମ୍ଝିମ ଦୀପ, ସ୍ୱାଗତିକା ସାଉଁତ, ପୁନମ୍ ପଧାନ ଓ ମନିଷା ପଧାନ ଓଡ଼ିଆ କବିତା ପାଠ କରିଥିଲେ।
Comments are closed.