ସଂସ୍କାର, ପ୍ରଦର୍ଶନ ଏବଂ ରୂପାନ୍ତର ଯୋଗୁ ଭାରତର ରଣନୀତିକ ଗୁରୁତ୍ୱକୁ ବିଶ୍ୱ ସ୍ୱୀକାର କରୁଛି – ପ୍ରଧାନମନ୍ତ୍ରୀ

ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଗତ ୧୦ ବର୍ଷ ମଧ୍ୟରେ ତାଙ୍କ ସରକାର କାର୍ଯ୍ୟକାରୀ କରୁଥିବା ସଂସ୍କାର, ପ୍ରଦର୍ଶନ ଏବଂ ପରିବର୍ତ୍ତନର ମନ୍ତ୍ର ଯୋଗୁଁ ବିଶ୍ୱ ବର୍ତ୍ତମାନ ଭାରତର ରଣନୈତିକ ଗୁରୁତ୍ୱକୁ ସ୍ୱୀକାର କରୁଛି। ଜର୍ମାନୀର ଷ୍ଟୁଟଗାର୍ଟଠାରେ ଏକ ମିଡିଆ ହାଉସ୍ ଦ୍ୱାରା ଭିଡିଓ କନଫରେନ୍ସିଂ ମାଧ୍ୟମରେ ଆୟୋଜିତ ଏକ କାର୍ଯ୍ୟକ୍ରମକୁ ସମ୍ବୋଧିତ କରି ପ୍ରଧାନମନ୍ତ୍ରୀ ଏହା କହିଛନ୍ତି। କାର୍ଯ୍ୟକ୍ରମର ବିଷୟବସ୍ତୁ ଥିଲା ଭାରତ-ଜର୍ମାନୀ: ସ୍ଥାୟୀ ଅଭିବୃଦ୍ଧି ପାଇଁ ଏକ ରୋଡ୍ ମ୍ୟାପ୍। ଶ୍ରୀ ମୋଦୀ କହିଥିଲେ ଯେ ଭାରତ ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି ଏବଂ ପ୍ରତ୍ୟେକ ଦେଶ ବିକାଶ ପାଇଁ ଭାରତ ସହ ସହଯୋଗ କରିବାକୁ ଚାହୁଁଛନ୍ତି।

ଜର୍ମାନୀର ‘ଫୋକସ୍ ଅନ୍ ଇଣ୍ଡିଆ’ ଡକ୍ୟୁମେଣ୍ଟ ଏହାର ଏକ ଉଦାହରଣ ଏବଂ ବିଶ୍ୱ କିପରି ଭାରତର ରଣନୈତିକ ଗୁରୁତ୍ୱକୁ ସ୍ୱୀକାର କରୁଛି ତାହା ଏହି ଦସ୍ତାବିଜ ପ୍ରତିଫଳିତ କରୁଛି ବୋଲି ଶ୍ରୀ ମୋଦୀ କହିଛନ୍ତି। ପ୍ରଧାନମନ୍ତ୍ରୀ କହିଥିଲେ ଯେ ଭାରତ ପ୍ରତ୍ୟେକ କ୍ଷେତ୍ର ପାଇଁ ନୂତନ ନୀତି ପ୍ରଣୟନ କରିଛି ଏବଂ ଏକବିଂଶ ଶତାବ୍ଦୀରେ ଦ୍ରୁତ ଅଭିବୃଦ୍ଧି ହାସଲ କରିବା ପାଇଁ ନିଜକୁ ପ୍ରସ୍ତୁତ କରିଛି। ମୋଦି କହିଛନ୍ତି ଯେ ତାଙ୍କ ସରକାର ଇଜ୍ ଅଫ୍ ଡୁଇଙ୍ଗ ବିଜନେସକୁ ପ୍ରୋତ୍ସାହିତ କରିବା ପାଇଁ ପଦକ୍ଷେପ ଗ୍ରହଣ କରିଛି। ବିକାଶ ପାଇଁ ସୁଲଭ ପୁଞ୍ଜି ଉପଲବ୍ଧ କରାଇବା ପାଇଁ ଭାରତ ଦେଶରେ ବ୍ୟାଙ୍କିଙ୍ଗ ବ୍ୟବସ୍ଥାକୁ ସୁଦୃଢ଼ କରିଛି ବୋଲି ସେ କହିଛନ୍ତି।

ପ୍ରଧାନମନ୍ତ୍ରୀ ଆଲୋକପାତ କରିଥିଲେ ଯେ ଏକ ମଜଭୁତ ଭିତ୍ତିଭୂମି ସ୍ଥାପନ କରାଯାଇଛି ଯାହା ଉପରେ ବିକଶିତ ଭାରତର ଭବ୍ୟ ଭବନ ନିର୍ମାଣ କରାଯିବ। ଜର୍ମାନୀ ଏହାର ବିକାଶ ଯାତ୍ରାରେ ଭାରତର ଏକ ନିର୍ଭରଯୋଗ୍ୟ ଅଂଶୀଦାର ହେବ ବୋଲି ସେ କହିଛନ୍ତି।

ଗତ କିଛି ବର୍ଷ ମଧ୍ୟରେ ଭାରତ ଓ ଜର୍ମାନୀ ମଧ୍ୟରେ ପାରସ୍ପରିକ ଭାଗିଦାରୀ କ୍ରମାଗତ ଭାବେ ସୁଦୃଢ଼ ହୋଇଛି ବୋଲି ଶ୍ରୀ ମୋଦୀ କହିଛନ୍ତି। ସେ ଉଲ୍ଲେଖ କରିଛନ୍ତି ଯେ ଭାରତରେ ୧୮୦୦ରୁ ଅଧିକ ଜର୍ମାନ କମ୍ପାନୀ କାର୍ଯ୍ୟ କରୁଛନ୍ତି ଏବଂ ଏହି କମ୍ପାନୀଗୁଡିକ ଗତ ୩ରୁ ୪ ବର୍ଷ ମଧ୍ୟରେ ୧୫ ବିଲିୟନ ଡଲାର ନିବେଶ କରିଛନ୍ତି। ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ବାଣିଜ୍ୟ ପ୍ରାୟ ୩୪ ବିଲିୟନ ଡଲାର ଛୁଇଁଛି ଏବଂ ଆଗାମୀ ବର୍ଷଗୁଡ଼ିକରେ ଏହି ବାଣିଜ୍ୟ ଆହୁରି ବୃଦ୍ଧି ପାଇବ ବୋଲି ଶ୍ରୀ ମୋଦୀ କହିଛନ୍ତି।