ରେଙ୍ଗାଲିକ୍ୟାମ୍ପ: ବରଗଡ଼ ଜିଲ୍ଲା ଅତାବିରା ବ୍ଲକ୍ କୁଳୁଣ୍ଡା ଗ୍ରାମପଞ୍ଚାୟତର ବାଞ୍ଜିପାଲି ଗ୍ରାମର ଭୂମି କଣ୍ଟାରେ ରହୁଥିବା ପାଞ୍ଚ ପରିବାର ପାଖରେ ଆବାସ ଘର ଖଣ୍ଡିଏ ନଥିବାରୁ ଝାଟି ମାଟି ଘରେ ଜୀବନ ବିତୁଛି। ଅଭାବ ଅନାଟନରେ ଚାଲିଛି ସେମାନଙ୍କ ଜୀବନ। ଯେଉଁଠି ପେଟ ପାଇଁ ମୁଠେ ଖାଦ୍ୟ ଯୋଗାଡିବା ମୁସ୍କିଲ ହୋଇଯାଏ, ସେଠି ଘର କରିବା ତାଙ୍କ ପାଇଁ ସତେ ଯେମିତି ଦିବା ସ୍ୱପ୍ନ।ଏଯାବତ୍ ୪ ପିଢ଼ି ଧରି ଛତିଶଗଡ ବାରଡୁଲି, ବଏସେନା, ସରେଇ ପାଲି, ପରସ ପୋଲ, ଭବାନୀପାଟନାରୁ ଆସିଥିବା ହରିଜନ, ଗୌଡ଼ ଆଦି ଜାତିର ଲୋକେ ଏଠି ରହୁଛନ୍ତି। ଦିନ ମଜୁରିଆ ଭାବେ ଯାହା ରୋଜଗାର କରନ୍ତି ସେଇଥିରେ ପରିବାର ଚଳେ। ଝୁମ୍ପୁଡି ଝାଟିମାଟି ଘରେ ଅତ୍ୟନ୍ତ ଦୟନୀୟ ପରିବେଶରେ ରହୁଛନ୍ତି ଏଠିକାର ଲୋକେ। ଏଠି ରହନ୍ତି ସୁଧୀର ସାହୁ, ବୟସ ୭୦। ନିସହାୟ ଭାବରେ ଏକାକୀ ଜୀବନ ବିତାଉଛନ୍ତି ଭଙ୍ଗା କୁଡିଆରେ। ବାର୍ଦ୍ଧକ୍ୟ ଭତ୍ତା ବି ତାଙ୍କୁ ମିଳୁନାହିଁ। ମନ୍ଦାର ବଞ୍ଛୋର, ସାନ ସାହୁ ମଧ୍ୟ ଘର ଖଣ୍ଡେ ପାଇଁ ଚାହିଁ ରହିଛନ୍ତି ସରକାରଙ୍କ ହାତକୁ। ଚାରି ପିଢ଼ି ପରେ ମଧ୍ୟ ଏମାନଙ୍କର ବିପିଏଲ୍ କାର୍ଡ ନାହିଁ।
Comments are closed.