ବୌଦ୍ଧ: ବୌଦ୍ଧ ଜିଲା ଖୁଣ୍ଟବନ୍ଧ ପଞ୍ଚାୟତର ବାଲିଦୋହଲି ଗ୍ରାମରେ ଥିବା ପୋଖରୀ କାମ ନହୋଇ ମିଥ୍ୟା ବିଲ କରିଥିବା ନେଇ ମଙ୍ଗଳବାର ଦିନ ଗ୍ରାମବାସୀମାନେ ଜିଲାପାଳଙ୍କ ନିକଟରେ ଫେରାଦ ହୋଇଥିବା ଜଣାପଡିଛି। ଗ୍ରାମବାସୀଙ୍କ ଅଭିଯୋଗ ଅନୁଯାୟୀ ଗ୍ରାମରେ ଥବା ପୋଖରୀରୁ ଜୈନିକ ଗ୍ରାମବାସୀ କୁକୁଡା ଫାର୍ମ ଘର ପୋତିବା ପାଇଁ ମାଟି ଖୋଳି ନେଇଥିଲେ। କିନ୍ତୁ ଏହାର ସୁଯୋଗରେ ପଞ୍ଚାୟତ କର୍ତ୍ତୃପକ୍ଷ ପୋଖରୀ କାମ ଦର୍ଶାଇ ମିଥ୍ୟାବିଲ କରି ୫୦ ହଜାରରୁ ଅଧିକ ଟଙ୍କା ଆତ୍ମସାତ କରିଥିବା ନେଇ ଅଭିଯୋଗ କରିଛନ୍ତି। ଏପରି ମିଥ୍ୟା ବିଲକୁ ଗ୍ରାମବାସୀମାନେ ବିରୋଧ କରିବା ସହ ଏହାର ତଦନ୍ତ କରି ପଦକ୍ଷେପ ନେବାକୁ ଜିଲାପାଳଙ୍କ ନିକଟରେ ଅଭିଯୋଗ କରିଛନ୍ତି। ଅଭିଯୋଗ ପତ୍ର ପ୍ରଦାନ କରିବାକୁ ଗ୍ରାମର ବହୁ ଲୋକ ଜିଲାପାଳଙ୍କ କାର୍ଯ୍ୟାଳୟକୁ ଆସିଥିଲେ। ଜିଲାପାଳଙ୍କ ଅନୁପସ୍ଥିତିରେ ଉପଜିଲାପାଳଙ୍କୁ ଦାବିପତ୍ର ପ୍ରଦାନ କରି ଗ୍ରାମବାସୀ ଫେରିଯାଇଥିବା ଜଣାଯାଇଛି।
Popular Categories
Previous article
Next article