ରେଙ୍ଗାଲିକ୍ୟାମ୍ପ: ରାଜ୍ୟ ପ୍ରାଧିକରଣ ଓସେପା ପକ୍ଷରୁ ବରଗଡ ଜିଲ୍ଲା ଶିକ୍ଷା ଅଧିକାରୀଙ୍କ ତତ୍ତ୍ଵାବଧାନରେ ଅତାବିରା ଓ ଭେଡେନ ବ୍ଲକର ୫୮ଟି ହାଇସ୍କୁଲ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ନେଇ ତିନି ଦିନ ଧରି ଚାଲିଥିବା କ୍ରୀଡ଼ାଙ୍ଗନ ଓ ସାହିତ୍ୟ ସୃଜନୀ ତାଲିମ ଶିବିର ଆଜି ସମ୍ପନ୍ନ ହୋଇଯାଇଅଛି। ଅତାବିରା ବ୍ଲକ୍ ପତ୍ରାପାଲି ଉଚ୍ଚ ବିଦ୍ୟାଳୟରେ କ୍ରୀଡାଙ୍ଗନ ଓ ଅତାବିରା ବାଳିକା ହାଇସ୍କୁଲରେ ସାହିତ୍ୟ ସୃଜନୀ ତାଲିମ ଦିଆଯାଉଥିଲା। ଗତ ୧୧ ତାରିଖରୁ ଏହା ଆରମ୍ଭ ହୋଇ ଆଜି ଶେଷ ହୋଇଯାଇଛି। ଅତାବିରା ଓ ଭେଡେନ ଉଭୟ ବ୍ଲକର ୫୪ ଜଣ ଶିକ୍ଷକ, ଶିକ୍ଷୟିତ୍ରୀ ସାହିତ୍ୟ ସୃଜନୀ ଓ ୫୫ ଜଣ ଶିକ୍ଷକ ଶିକ୍ଷୟିତ୍ରୀ କ୍ରୀଡାଙ୍ଗନ ତାଲିମ ନେଉଥିଲେ। ପତ୍ରାପାଲି ତାଲିମ କେନ୍ଦ୍ରର ପ୍ରଧାନ ଶିକ୍ଷୟିତ୍ରୀ ସଂଗୀତା ରାଣୀ ମିଶ୍ରଙ୍କ ତତ୍ତ୍ଵାବଧାନରେରେ ଓ ବରିଷ୍ଠ ଶିକ୍ଷକ ଟୁନା କର୍ଣ୍ଣଙ୍କ ପରିଚାଳନାରେ ତାଲିମ ଚାଲିଥିବା ବେଳେ ସରକାରୀ ଉଚ୍ଚ ବାଳିକା ବିଦ୍ୟାଳୟରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସୁରେନ୍ଦ୍ର ବେହେରାଙ୍କ ତତ୍ତ୍ଵାବଧାନରେରେ ତାଲିମ ସୁଚାରୁ ରୂପେ ସମ୍ପନ୍ନ ହୋଇଥିବା ଜଣାପଡ଼ିଛି।
Popular Categories
Previous article
Next article